امریکہ نے تین سال پہلے کیوٹو پروٹوکول پر دستخط کرنے سے انکار کردیا تھا۔

اب تک روس نےاس معاہدے پر کوئی واضح موقف اختیار نہیں کیا تھا۔

کیوٹو پروٹوکول دنیا میں زہریلی گیسوں کے اخراج کو کنٹرول کرنے کے لئے بنایا گیا تھا۔ تین سال پہلے امریکہ کی طرف سے اس پر دستخط کرنے سے انکار کے بعد اسے دنیا میں نافذ العمل بنانے کے لئے سارا دارومدار روس کی حمایت تھا۔

روس کے صدر ولادیمیر پیوتن نے اس سے پہلے اس پروٹوکول یا معاہدے کی منظوری کا اشارہ دیا تھا تاہم ان کے ایک مشیر کے خیال میں اس سے ان کی معیشت پر برا اثر پڑ سکتا ہے۔

روس کی حکومت سے اس کی منظوری کے بعد اب پارلیمینٹ سے اس کی توثیق بنا کسی مشکل کے توقع ہے اور اس کے بعد تین ماہ کے عرصے میں یہ پروٹوکول لاگو ہوجائے گا۔

امید کی جارہی ہے کہ ماحولیاتی تنظیمیں اس پیش رفت کا خیر مقدم کریں گی۔