یہ صفحہ دوست کو ای میل کیجیئے		پرِنٹ کریں

شنگھائی میں ہونے والی آتشبازی

چین اور ایشیا کے دیگر ممالک میں لوگ نئے قمری سال کی خوشیاں منانے میں مصروف ہیں۔

چین میں جاری تقریبات کے دوران ملک کے پہلے خلا باز یانگ لیویی مرکز توجہ رہے۔ انہوں نے ٹی وی پر لوگوں کو ’بندر کے سال‘ کی مبارکباد دی۔

چین کے دارالحکومت اور ملک کے سب سے بڑے شہر شنگھائی میں جب لوگوں نے خوشی سے پٹاخے چلانے شروع کئے تو آسمان پر چار سو روشنی دکھائی دینے لگی۔

چینی بچے تقریبات میں حصہ لیتے ہوئے

اس کے برعکس بیجنگ میں قدرے خاموشی اور سکون دیکھنے میں آیا کیونکہ انتظامیہ نے آتشبازی پر پابندی عائد کرنے کی کوشش کی تھی۔

تاہم شنگھائی میں رات بھر پٹاخوں کی آوازیں سنائی دیتی رہیں اور وزارتِ خزانہ کی عمارت پر موم بتیاں روشن کی گئیں۔

نئے قمری سال کے موقع پر پٹاخوں کا چلایا جانا چین کی صدیوں پرانی روایت ہے۔

بہت سے چینیوں نے بدھ کی شام یعنی جاتے سال کی آخری رات اپنے گھروں میں گزاری اور اہلِ خانہ کے ساتھ روایتی کھانے کھائے اور ٹی وی پر روایتی پروگرام دیکھے۔