بیورو رپورٹ بی بی سی اردو ڈاٹ کام، اسلام آباد

	بہت سے قید جرمانہ نہ ادا کر سکنے کی وجہ سے قید بھگت رہے ہیں

وزیراعظم سید یوسف رضا گیلانی کی جانب سے صوبائی حکومتوں کو یہ حکم بدھ کو اسلام آباد میں جاری کیا گیا۔ ان کا کہنا تھا کہ بڑی تعداد میں قیدی محض جرمانے کی تھوڑی سے رقم کی عدم ادائیگی کی وجہ سے جیلوں میں بند ہیں۔

اس بارے میں حکومت کی جانب سے اکہتر لاکھ روپے سے زائد رقم متعلق محکموں کو جاری کر دی گئی ہے لہذٰا ان قیدیوں کی جلد از جلد رہائی کو یقینی بنایا جائے۔

ایک سرکاری بیان کے مطابق پورے ملک میں ایسے ایک سو اکانوے قیدیوں کی نشاندہی کی گئی ہے جو سزائیں پوری کر چکے ہیں لیکن رہائی نہیں پا رہے۔