رفعت اللہ اورکزئی بی بی سی اردو ڈاٹ کام، پشاور

	دھماکے میں پولیس وین کو بھی شدید نقصان پہنچا ہے

سوات کے ڈی آئی جی خالد مسعود نے بی بی سی کو بتایا کہ یہ واقعہ جمعرات کی شام مینگورہ سے پندرہ کلومیٹر دور چار باغ کے علاقے میں پیش آیا جب سڑک کے کنارے پہلے سے نصب ریموٹ کنٹرول بم سے پولیس کو نشانہ بنایا گیا۔

تاہم عینی شاہدین اور مقامی ذرائع کے مطابق حملے میں چار پولیس اہلکار زخمی ہوئے ہیں، جن میں سے ایک کی حالت تشویش ناک بتائی جا رہی ہے۔

واضح رہے کے لال مسجد کے واقعہ کے بعد سوات میں سکیورٹی فورسز پر حملوں میں اضافہ دیکھنے میں آیا ہے۔گزشتہ دو ماہ کے دوران سوات میں پولیس چوکیوں کو متعدد بار بم حملوں میں نشانہ بنایا گیا ہے جس میں کئی ہلاکتیں بھی ہوئی ہیں۔