 |  حامد کرزئی اسلام آباد پہنچ کر صدر مشرف سے مذاکرات کریں گے |
افغان صدر حامد کرزئی صدر مشرف کی دعوت پر دو روزہ سرکاری دورے پر کل پاکستان پہنچ رہے ہیں۔ اسلام آباد کے دفتر خارجہ کے مطابق صدر کرزئی کا یہ دورہ دونوں ممالک کے درمیان جاری اعلٰی سطحی مذاکرات کا حصہ ہے۔ حامد کرزئی اسلام آباد پہنچ کر صدر مشرف سے مذاکرات کریں گے جس کے بعد دونوں صدور ایک مشترکہ پریس کانفرنس بھی کریں گے۔ منگل کو صدر کرزئی پاکستانی وزیر اعظم چوہدری شجاعت حسین سے بھی ملاقات کریں گے۔ دونوں ممالک آپس کے تعلقات بہتر بنانے اور کئی شعبوں میں تعاون کو فروغ دینے کی کوشش کررہے ہیں۔ پاکستان نے افغان حکومت کے اس فیصلے کا خیر مقدم کیا ہے جس کے تحت افغانستان میں اس سال نو اکتوبر کو پارلیمانی انتخابات منعقد کرائے جائیں گے۔ پاکستان ان انتخابات میں افغان پناہ گزینوں کی شرکت یقینی بنانے کے لیے افغانستا سے ہر ممکن تعاون کرے گا۔ پاکستان نے افغانستان کی تعمیر نو کے لیے دس کروڑ ڈالر کی رقم مختص کی ہے۔ تورخم - جلال آباد شاہراہ پر پہلے ہی کام شروع ہوچکا ہے اور یہ اگلے سال جولائی تک مکمل ہوجائے گی۔ | 
یہ صفحہ دوست کو ای میل کیجیئے
پرِنٹ کریں
