 |  بش نے کیری کی جنگ میں خدمات کی ستائش کی |
بش کی انتخابی ٹیم کے ایک وکیل نے اس اعتراف کے بعد استعفی دے دیا کہ ان کے تعلقات اس گروپ سے تھے جس نے بش کے حریف امیدوار جان کیری پر اپنے جنگ کے ریکارڈز کے بارے میں جھوٹ بولنے کا الزام لگایا تھا۔ بینجمن جنسبرگ نے اس گروپ کو مشورہ دیا تھا کہ وہ ویتنام کی جنگ میں جان کیری کی بہادری کے بارے میں سوال کرے۔ صدر بش اور ان کے ڈیمو کریٹ حریف جان کیری کے جنگ کے ریکارڈ اس انتخابی مہم میں بہت اہم موضوع بن گئے ہیں۔ اس ہفتے جارج بش نے غیر سرکاری منفی تشہیر کو ختم کرنے کی اپیل کرتے ہوئے سینیٹر جان کیری کے جنگ کے ریکارڈ کی ستائش کرتے ہوئے کہا کہ انہوں نے بہت جرات اور بہادری سے فوج میں اپنی خدمات پیش کیں۔ |  ویتنام جنگ میں خدمات کے لئے کیری کو پانچ میڈلز ملے تھے |
جان کیری کی ٹیم نے الزام لگایا تھاکہ یہ گروپ ریپبلیکن پارٹی کی انتخابی مہم کا مورچہ بنا ہوا ہے۔ کیری کے ترجمان نے کہا کہ بینجمن جنسبرگ کا استعفی اس بات کا ایک اور کھلا ثبوت ہے کہ بش کی انتخابی مہم سے اس گروپ کا تعلق ہے۔ بش کی ٹیم نے کئی مرتبہ اس گروپ کے ساتھ کسی طرح کے تعلق سے تردید کی تھی۔نامہ نگاروں کا کہنا ہے کہ جان کیری نے ویتنام کی جنگ میں پانچ میڈلز حاصل کیے تھے۔ | 
یہ صفحہ دوست کو ای میل کیجیئے
پرِنٹ کریں
