اسلام آباد میں امریکہ ایران مذاکرات پر ابہام: دھمکیوں کے سائے میں مذاکرات قبول نہیں، باقر قالیباف

لائیو کوریج

1. 13 منٹ قبلایران کسی دھمکی یا دباؤ میں آ کر مذاکرات نہیں کرے گا: ایرانی سفیر

   پاکستان میں ایران کے سفیر رضا امیری مغدام کا کہنا ہے کہ ایران کسی دھمکی یا دباؤ میں آ کر مذاکرات نہیں کرے گا۔

   ایکس پر اپنے پیغام میں انھوں نے لکھا کہ ’اس حقیقت کا عالمی سطح پر اعتراف کیا گیا ہے کہ اس قدر قدیم تہذیب رکھنے والا ملک کسی دھمکی یا دباؤ میں آ کر مذاکرات نہیں کرے گا۔‘

   انھوں نے مزید لکھا کہ ’یہ ایک ٹھوس، اسلامی اور مذہبی اصول ہے۔ کاش امریکہ اسے سمجھ جاتا۔‘

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

2. 23 منٹ قبلجے ڈی وینس آج پاکستان کے لیے روانہ ہوں گے: امریکی میڈیا

   

   ،تصویر کا ذریعہReuters

   امریکی میڈیا یہ خبر دے رہا ہے کہ نائب صدر جے ڈی وینس منگل کے روز امریکہ سے پاکستان کے لیے روانہ ہوں گے۔

   ایگزیوس نے تین ذرائع کا حوالہ دیتے ہوئے کہا ہے کہ وینس منگل کی صبح امریکہ سے روانہ ہوں گے۔

   ذرائع نے سی این این کو بتایا ہے کہ امریکہ اور ایران کے درمیان مذاکرات کا دوسرا دور اسلام آباد میں بدھ کے روز ہو گا۔

   جیسا کہ ہم پہلے بھی بتا چکے ہیں کہ ایران نے ابھی تک ان مذاکرات میں شرکت کی تصدیق نہیں کی لیکن ذرائع نے بی بی سی کو بتایا ہے کہ جے ڈی وینس کی سربراہی میں امریکی وفد جلد ہی پاکستان کے لیے روانہ ہو گا۔

3. ایک گھنٹہ قبلٹرمپ امریکی پوزیشن کے بارے میں انتہائی پر امید, سارہ سمتھ، شمالی امریکہ کی ایڈیٹر

   

   ،تصویر کا ذریعہGetty Images

   امریکی صدر ڈونلڈ ٹرمپ ایران کے ساتھ امن مذاکرات کے بارے میں اپنے خیالات کا اظہار کھل کے کر رہے ہیں۔

   وہ ایران کے ساتھ تنازعے کے بارے میں سوشل نیٹ ورک ٹروتھ سوشل پر درجنوں بار پوسٹ کر چکے ہیں اور اس بات پر اصرار کرتے ہیں کہ کسی بھی مذاکرات میں ان کا ہاتھ ہے۔

   انھوں نے ایک پوسٹ میں کہا کہ ’میں جنگ جیت رہا ہوں، چیزیں بہت اچھی جا رہی ہیں۔‘

   ایک اور پوسٹ میں انھوں نے اس معاہدے کا حوالہ دیتے ہوئے کہا جو سابق امریکی صدر براک اوبامہ نے سنہ 2015 میں کیا تھا اور کہا کہ ’ہم جو معاہدہ ایران کے ساتھ کریں گے وہ اس معاہدے سے بہت بہتر ہوگا۔‘

   وہ اس بات پر بھی اصرار کرتے ہیں انھیں ڈیل کرنے کی کوئی جلدی نہیں۔ ٹرمپ نے کہا کہ ’میں جعلی خبریں پڑھ رہا ہوں جس میں کہا گیا کہ مجھ پر ڈیل کرنے کے لیے دباؤ ہے۔ یہ سچ نہیں۔ میں بالکل بھی دباؤ میں نہیں ہوں، حالانکہ سب کچھ نسبتاً جلد ہو جائے گا۔‘

   ٹرمپ نے اس بارے میں زیادہ ثبوت یا وضاحت فراہم نہیں کی کہ وہ اتنے پر امید کیوں ہیں کہ معاہدہ ہونے والا ہے اور اس وقت یہ بھی واضح نہیں کہ آیا دونوں فریق مذاکرات کے لیے ملیں گے۔

   اس کے علاوہ انھوں نے ایک اور پوسٹ میں کہا کہ آبنائے ہرمز کی امریکی بحری ناکہ بندی سے ایران کو یومیہ 500 ملین ڈالر کا نقصان ہو رہا ہے جو ٹرمپ کے بقول ایران کو تباہ کر رہا ہے۔

   اگر ٹرمپ کی پوسٹس کا جائزہ لیا جائے تو وہ امریکہ کی مذاکراتی پوزیشن کے بارے میں بہت پر امید نظر آتے ہیں۔

4. ایک گھنٹہ قبلایران سے یورینیئم نکالنا ’طویل اور مشکل‘ مرحلہ ہو گا: ٹرمپ

   امریکی صدر ڈونلڈ ٹرمپ کا کہنا ہے کہ گذشہ برس ایران کی جوہری تنصیبات پر امریکی حملے کے بعد اب وہاں سے یورینیئم نکالنا ’ایک طویل اور مشکل‘ مرحلہ ہو گا۔

   منگل کے روز ٹروتھ سوشل پر ایک پوسٹ میں ٹرمپ نے لکھا کہ ’آپریشن مڈ نائٹ ہیمر میں ایران کی جوہری تنصیبات کو مکمل تباہ کر دیا گیا تھا۔ اب وہاں سے یورینیئم نکالنا طویل اور مشکل مرحلہ ہو گا۔‘

5. 3 گھنٹے قبل’ڈیل صرف اسرائیل یا مشرق وسطیٰ میں نہیں بلکہ یورپ، امریکہ اور ہر جگہ پر امن، سکیورٹی اور حفاظت کی ضامن ہو گی‘

   اب سے کچھ دیر قبل وائٹ ہاؤس نے ایکس پر امریکی صدر کا ڈونلڈ ٹرمپ کا پیغام شیئر کیا ہے۔

   پیغام میں کہا گیا ہے کہ ’اگر ٹرمہ انتظامیہ میں کوئی ڈیل ہوتی ہے تو یہ صرف اسرائیل یا مشرق وسطیٰ میں نہیں بلکہ یورپ، امریکہ اور ہر جگہ پر امن، سکیورٹی اور حفاظت کی ضامن ہو گی۔‘

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

6. 3 گھنٹے قبلدھمکیوں کے سائے میں مذاکرات قبول نہیں: باقر قالیباف

   ایرانی پارلیمان کے سپیکر باقر قالیباف کا کہنا ہے کہ ایران کو دھمکیوں کے سائے میں مذاکرات قبول نہیں۔

   ایکس پر اپنی پوسٹ میں انھوں نے کہا کہ ’ٹرمپ جنگ بندی کی خلاف ورزی اور ناکہ بندی کے ذریعے مذاکرات کی میز کو ہتھیار ڈالنے کی میز میں تبدیل کرنا چاہتے ہیں یا اپنی اشتعال انگیزی کا جواز پیش کرنا چاہتے ہیں۔‘

   انھوں نے مزید لکھا کہ ’ہمیں دھمکیوں کے سائے میں مذاکرات قبول نہیں اور پچھلے دو ہفتے میں ہم نے میدان جنگ میں نئے پتے لانے کی تیاری کی ہے۔‘

7. 7 گھنٹے قبللبنان میں حالیہ جنگ کے آغاز سے اب تک ہلاکتوں کی مجموعی تعداد 2,387 ہو گئی، رپورٹ

   

   ،تصویر کا ذریعہLebanon

   لبنان میں جنگ کے آغاز سے اب تک ہلاکتوں کی مجموعی تعداد بڑھ کر 2,387 ہو گئی ہے جبکہ اب تک 7,602 افراد زخمی بھی ہوئے ہیں۔

   لبنان کی سرکاری نیشنل نیوز ایجنسی نے حکومت کے ڈیزاسٹر رسک مینجمنٹ یونٹ کے اعداد و شمار کے حوالے سے یہ ڈیٹا جاری کیا ہے۔

   یہ تعداد جمعے کو لبنانی وزارتِ صحت کی جانب سے جاری کردہ اعداد و شمار کے مقابلے میں 93 مزید ہلاکتوں کی نمائندگی کرتی ہے۔

   یاد رہے کہ اس سے قبل پیر کو ایران کی اسلامی انقلابی گارڈ کور (آئی آر جی سی) سے منسلک مہر نیوز ایجنسی نے ایران میں ہلاکتوں کی تعداد 3,375 بتائی تھی جس کا حوالہ ایران کی فرانزک میڈیسن آرگنائزیشن کے سربراہ نے بھی دیا تھا۔

   یاد رہے کہ ، امریکی وزارتِ خارجہ کے مطابق لبنان اور اسرائیل کے درمیان مذاکرات کا دوسرا دور جمعرات کو ہوگا۔

8. 8 گھنٹے قبلاشتعال انگیز اقدامات اور جنگ بندی کی بار بار خلاف ورزیاں سفارتی عمل کے تسلسل میں رکاوٹیں ہیں۔: عراقچی, غنچے حبیبی آزاد، بی بی سی فارسی

   

   ،تصویر کا ذریعہGetty Images

   ایران کے وزیرِ خارجہ عباس عراقچی نے پاکستانی وزیرِ خارجہ اسحاق ڈار کے ساتھ ایک ٹیلیفونک گفتگو میں کہا ہے کہ ایران امریکہ کے حوالے سے ’ تمام پہلوؤں کا جائزہ لے کر آئندہ کے لائحہ عمل کا فیصلہ کرے گا۔‘

   عراقچی کا کہنا تھا کہ ’اشتعال انگیز اقدامات اور جنگ بندی کی بار بار خلاف ورزیاں‘ سفارتی عمل کے تسلسل میں حائل رکاوٹیں ہیں۔ انھوں نے کہا کہ ایرانی تجارتی جہازوں کے خلاف ’دھمکیاں اور مداخلت‘ اور ایران کے بارے میں ’متضاد بیانات اور دھمکی آمیز زبان‘ بھی سفارتی عمل میں حائل رکاوٹیں ہیں۔

   یاد رہے کہ پاکستان کے دفتر خارجہ کی جانب سے جاری ایک بیان میں وزیرِ خارجہ اسحاق ڈار کی ایران کے وزیرِ خارجہ عباس عراقچی سے گفتگو کے بارے میں بیان جاری کیا گیا تھا۔

   بیان کے مطابق اسحاق ڈار نے تمام زیرِ التوا معاملات کے حل کے لیے جلد از جلد مسلسل رابطے اور بات چیت کی اہمیت پر زور دیا، تاکہ خطے میں امن اور استحکام کو فروغ دیا جا سکے۔ بیان میں بتایا گیا تھا کہ ’دونوں وزرائے خارجہ نے قریبی رابطہ برقرار رکھنے پر اتفاق کیا۔‘

   دوسی جانب پیر کے روز روسی وزیرِ خارجہ کے ساتھ ایک علیحدہ ٹیلی فونک گفتگو میں عراقچی نے کہا کہ ایران ’امریکہ کے اقدامات پر نظر رکھے گا اور اپنے مفادات اور قومی سلامتی کے تحفظ کے لیے مناسب فیصلہ کرے گا۔‘

   دونوں بیانات میں عراقچی نے یہ واضح نہیں کیا کہ آیا اسلام آباد میں امریکہ کے ساتھ ہونے والے مذاکرات میں ایران شرکت کرے گا یا نہیں۔

9. 21 اپريل 2026امریکی میڈیا رپورٹس پر ٹرمپ کی شدید تنقید: ’ایران بھی انھی میڈیا رپورٹس کی وجہ سے ’کنفیوژن‘ کا شکار ہے‘

   امریکی صدر ڈونلڈ ٹرمپ نے ’صورتحال بہت اچھی جاری‘ رہنے کا دعویٰ کرتے ہوئے کہا ہے کہ وہ ایران کے ساتھ جاری جنگ ’بڑے مارجن سے جیت رہے ہیں، امریکی فوج ’شاندار کارکردگی‘ کا مظاہرہ کر رہی ہے۔

   سوشل میڈیا پوسٹ میں صدر ٹرمپ نے امریکی میڈیا کی جنگ سے متعلق رپورٹنگ پر کڑی تنقید کی اور اس حوالے سے انھوں نے خاص طور پر نیویارک ٹائمز، واشنگٹن پوسٹ اور وال سٹریٹ جرنل کا نام لیا۔

   انھوں نے لکھا کہ ’اگر کوئی امریکی میڈیا کی رپورٹنگ پر انحصار کرے تو اسے یوں محسوس ہوگا جیسے امریکہ جنگ ہار رہا ہو۔ ایران بھی انھی میڈیا رپورٹس کی وجہ سے ’کنفیوژن‘ کا شکار ہے۔‘

   انھوں نے امریکی میڈیا پر الزام لگایا کہ وہ ’ایران کی جیت کی خواہش رکھتا ہے لیکن ایسا نہیں ہوگا۔‘

   اپنی پوسٹ میں انھوں نے ایرانی بندرگاہوں پر امریکی بحری ناکہ بندی کا بھی ذکر کرتے ہوئے کہا کہ ’یہ ایران کو ’بالکل تباہ کر رہی ہے‘ اور اسے اس وقت تک نہیں ہٹایا جائے گا جب تک کوئی ’معاہدہ‘ نہیں ہو جاتا۔

   ایران کے حوالے سے ان کا دعویٰ تھا کہ ’ایران 500 ملین ڈالر کا نقصان اٹھا رہا ہے جو قلیل مدت کے لیے بھی ایک ناقابلِ برداشت نقصان ہے۔‘

10. 20 اپريل 2026ایران کے ساتھ معاہدہ ’نسبتاً جلد‘ طے پا جائے گا: ٹرمپ کا دعویٰ

    

    ،تصویر کا ذریعہGetty Images

    امریکی صدر ڈونلڈ ٹرمپ نے کہا ہے کہ ایران کے ساتھ معاہدہ ’نسبتاً جلدی‘ طے پا جائے گا۔

    صدر ٹرمپ نے ٹروتھ سوشل پر اپنی پوسٹ میں اس تاثر کی بھی سختی سے تردید کی کہ وہ کسی قسم کے ’دباؤ‘ میں آ کر معاہدہ کرنے کی کوشش میں ہیں۔

    وہ کہتے ہیں ’یہ ہرگز درست نہیں۔‘

    صدر ٹرمپ نے اس سے قبل ایک پوسٹ میں یہ بھی دعویٰ کیا کہ امریکہ اس وقت ایران کے ساتھ ایک ایسا معاہدہ تشکیل دے رہا ہے جو سابق امریکی صدور کے دور میں ہونے والے معاہدوں سے ’کہیں بہتر‘ ہوگا۔

    ٹرمپ نے خاص طور پر 2015 کے جوائنٹ کمپری ہینسو پلان آف ایکشن (جے سی پی او اے) کا حوالہ دیا جو ایران اور امریکہ، برطانیہ، فرانس، چین، روس اور جرمنی کے درمیان طے پایا تھا۔

    ٹرمپ نے اس معاہدے کو ’ملکی سلامتی سے متعلق بدترین معاہدوں میں سے ایک‘ قرار دیتے ہوئے کہا کہ یہ ’جوہری ہتھیار تک پہنچنے کا یقینی راستہ‘ تھا ۔ انھوں نے کہا کہ ’ایسا نہ پہلے ہوا اور نہ کبھی ہونے دیا جائے گا۔‘

    یاد رہے کہ ٹرمپ نے اپنے پہلے دورِ صدارت میں امریکہ کو اس معاہدے سے الگ کر لیا تھا۔

    ان کا یہ بھی دعویٰ ہے کہ اگر وہ اس معاہدے کو ختم نہ کرتے تو جوہری ہتھیار اسرائیل پر اور پورے مشرقِ وسطیٰ میں استعمال ہو چکے ہوتے۔

11. 20 اپريل 2026کیا ایران اسلام آباد مذاکرات میں شریک ہو گا؟, لیز ڈوسیٹ عہدہ,نامہ نگار برائے عالمی اُمور

    

    ،تصویر کا ذریعہGetty Images

    ایران کی وزارتِ خارجہ کے ترجمان کے بیان میں ایک اہم نکتہ ان کے ’اب تک‘ کے الفاظ ہیں۔

    اپنے بیان میں ان کا کہنا تھا کہ ’مذاکرات کے دوسرے دور کے لیے ’اب تک‘ ہمارے پاس کوئی منصوبہ نہیں ہے۔‘

    یہ جملہ اس امکان کو ظاہر کرتا ہے کہ تہران آخری لمحے میں پڑوسی ملک پاکستان جانے کا فیصلہ کر لے! اور یوں بھی دونوں ملکوں کے درمیان فاصلہ بھی زیادہ نہیں۔

    لیکن اس واقعے نے ایران کو ایک مشکل صورتحال میں ڈال دیا ہے۔ آبنائے ہرمز میں پیش آنے والے تازہ واقعے سے پہلے ہی ایرانی میڈیا یہ رپورٹ کر رہا تھا کہ جب تک امریکی بحریہ کی جانب سے اس کی بندرگاہوں کی ناکہ بندی جاری ہے، اسلام آباد جانے کا امکان نہیں۔

    یاد رہے ایران امریکہ بحران کے دوران گزشتہ روز پہلی بار امریکی بحریہ نے ایک ایرانی جہاز پر چڑھائی کر کے اسے قبضے میں لے لیا ہے۔

    امریکی کارروائی کو ایران بحری قزاقی اور جنگ بندی کی خلاف ورزی قرار دے رہا ہے۔

    ذرائع کا کہنا ہے کہ ایران کو اس بات پر بھی تشویش ہے کہ آئندہ اعلیٰ سطحی اور نہایت اہم مذاکرات کے ایجنڈے پر خاطر خواہ پیش رفت نہیں ہوئی۔

    صدر ٹرمپ تیز رفتار فیصلوں اور مطالبات کے ذریعے معاملات آگے بڑھانے کے خواہاں رہتے ہیں جبکہ ایران ہمیشہ طویل المدتی حکمتِ عملی اور لین دین کے ذریعے سفارت کاری کرتا آیا ہے۔

    دونوں فریق کسی درمیانی راستے پر متفق ہو پائیں گے یا نہیں اور کیا وہ مشکل سمجھوتوں کے لیے تیار ہیں، اس بارے میں ابھی کوئی یقین سے نہیں کہہ سکتا۔

12. 20 اپريل 2026اگر معاہدہ نہ ہوا تو جنگ بندی میں توسیع کا بہت کم امکان ہے: ٹرمپ

    

    ،تصویر کا ذریعہGetty Images

    امریکی صدر ڈونلڈ ٹرمپ کا کہنا ہے کہ اگر ایران کے ساتھ معاہدہ نہ ہوا تو دو ہفتے کی جنگ بندی میں توسیع کا امکان بہت کم ہے۔

    بین الاقوامی خبر رساں ادارے بلومبرگ کو دیے گئے انٹرویو میں ترمپ کا کہنا تھا کہ جب تک معاہدہ نہیں ہوتا آبنائے ہرمز کی ناکہ بندی جاری رہے گی۔

    دوسری جانب امریکی خبر رساں ادارے پی بی ایس نیوز کو دیے گئے انٹرویو میں صدر ٹرمپ کا کہنا تھا کہ اگر ایران کے ساتھ جنگ بندی ختم ہو گئی تو ’بہت سارے بم پھٹنا شروع ہو جائیں گے۔‘

    یاد رہے کہ رواں ماہ آٹھ تاریخ کو ایران اور امریکہ کے درمیان دو ہفتوں کی جنگ بندی ہوئی تھی۔

13. 20 اپريل 2026لبنان اور اسرائیل کے درمیان مذاکرات کا دوسرا دور جمعرات کو ہوگا، امریکی وزارتِ خارجہ

    

    ،تصویر کا ذریعہGetty Images

    امریکی وزارتِ خارجہ کے ایک عہدیدار کا کہنا ہے کہ اسرائیل اور لبنان کے درمیان سفیروں کی سطح پر مذاکرات کا دوسرا دور رواں ہفتے جمعرات کو ہوگا۔

    عہدیدار کا کہنا ہے کہ امریکہ 14 اپریل سے شروع ہونے والے تعمیری رابطوں کا خیرمقدم کرتا ہے۔

    ان کے مطابق امریکہ لبنان اور اسرائیل کی حکومتوں کے درمیان براہِ راست اور نیک نیتی پر مبنی بات چیت میں سہولت فراہم کرتا رہے گا۔

    گذشتہ ہفتے اسرائیل اور لبنان کے درمیان 1993 کے بعد پہلی مرتبہ براہِ راست مذاکرات ہوئے تھے۔ ان مذاکرات میں ثالثی کرنے والے امریکی وزیرِ خارجہ مارکو روبیو نے کہا تھا کہ یہ حزب اللہ کے اثر و رسوخ کے خاتمے کے لیے ایک تاریخی موقع ہے۔

14. 20 اپريل 2026ایران طاقت کے آگے کبھی نہیں جھکے گا: مسعود پزشکیان

    

    ،تصویر کا ذریعہAnadolu via Getty Images

    ایران اور امریکہ کے درمیان مذاکرات کے ممکنہ دوسرے دور سے قبل ایرانی صدر مسعود پزشکیان کا کہنا ہے کہ ’ایرانی کبھی طاقت کے آگے سر نہیں جھکائیں گے۔‘

    ان کا کہنا ہے کہ ایران میں امریکی حکومت کے حوالے سے ’گہرا تاریخی عدم اعتماد‘ پایا جاتا ہے جو کہ اب بھی موجود ہے۔

    ایکس پر جاری بیان میں ایرانی صدر کا کہنا ہے کہ بامعنی مذاکرات کی بنیاد وعدوں کی پاسداری پر قائم ہوتی ہے۔

    ’امریکی حکام کی جانب سے غیر تعمیری اور متضاد اشارے ایک تلخ پیغام دیتے ہیں؛ وہ ایران کے ہتھیار ڈالنے کے خواہاں ہیں۔‘

15. 20 اپريل 2026توقع ہے کہ امریکی وفد کچھ دیر میں اسلام آباد کے لیے روانہ ہو جائے گا: ذرائع, برنڈ ڈیبسمین جونیئر، نامہ نگار برائے وائٹ ہاؤس

    

    ،تصویر کا ذریعہAFP via Getty Images

    کافی دیر سے اسلام آباد میں ایران اور امریکہ کے درمیان امن مذاکرات کے دوسرے دور کے حوالے سے متضاد خبریں آ رہی تھیں کہ آیا امریکی وفد روانہ ہو گیا ہے یا نہیں۔

    اس حوالے سے باخبر ایک ذریعے نے ابھی بی بی سی کو بتایا ہے کہ وفد کچھ دیر میں روانہ ہو جائے گا۔ تاہم انھوں نے اس بارے میں مزید کوئی تفصیل فراہم نہیں کی ہے اور نہ ہی یہ بتایا ہے کہ وہ کب تک اسلام آباد پہنچیں گے۔

    اس سے قبل امریکی صدر ڈونلڈ ٹرمپ نے دی نیو یارک پوسٹ کو بتایا تھا کہ نائب صدر جے ڈی وینس، سٹیو وٹکوف اور جیرد کشنر پر مشتمل امریکی وفد ایران کے ساتھ امن مذاکرات کے لیے پاکستان روانہ ہو گیا ہے اور توقع ہے کہ وہ اگلے چند گھنٹوں میں اسلام آباد پہنچ جائیں گے۔

    انھوں نے فاکس نیوز کو بھی بتایا تھا کہ آج رات معاہدہ ہو جائے گا۔

    تاہم یہ ناممکن لگ رہا ہے کیونکہ اسلام آباد کا فاصلہ بہت ہے اور طیارے کو راستے میں ری فیولنگ کے لیے بھی رکنا پڑتا ہے۔

16. 20 اپريل 2026ایران، امریکہ امن مذاکرات دوسرا دور: ترمپ کی وفد بھیجنے کی تصدیق اور تہران کی جانب سے متضاد اشارے, ڈینیئل بش، واشنگٹن

    توقع کی جا رہی تھی کہ امریکہ اور ایران کے درمیان امن مذاکرات کا دوسرا دور سوموار کے روز شروع ہو گا۔ تاہم اب ممکنہ مذاکرات کب ہوں گے اس حوالے سے صورتحال غیر واضح ہے اور متضاد اطلاعات سامنے آ رہی ہیں۔

    امریکی نائب صدر جے ڈی وینس کے بارے میں کہا جا رہا ہے کہ وہ پاکستان میں امریکی مذاکراتی وفد کی قیادت کریں گے جیسا کہ رواں ماہ کے آغاز میں مذاکرات کے پہلے دور کے دوران انھوں نے کیا تھا۔ صدر ڈونلڈ ٹرمپ نے نیو یارک پوسٹ کو بتایا ہے کہ وینس آج رات اسلام آباد پہنچیں گے۔

    تاہم ایران کی جانب سے مذاکرات کے حوالے سے متضاد اشارے مل رہے ہیں، جس کے باعث یہ قیاس آرائیاں جنم لے رہی ہیں کہ تہران آبنائے ہرمز کے کنٹرول سے متعلق اختلافات کی وجہ سے عین موقع پر مذاکرات سے دستبردار ہو سکتا ہے۔

    امریکہ نے آبنائے ہرمز کی بحری ناکہ بندی قائم کر رکھی ہے اور ایک ایرانی مال بردار جہاز کو بھی تحویل میں لے لیا تھا۔ ایران کا مطالبہ ہے کہ امریکہ اپنی ناکہ بندی ختم کرے۔

    اس نوعیت کی شٹل ڈپلومیسی عموماً پیچیدہ ہوتی ہے اور اس میں آخری لمحات تک تبدیلیاں ہوتی رہتی ہیں۔

    تاہم اس سب کے باوجود غیر یقینی کی یہ سطح کچھ غیر معمولی ہے۔ یہ اس بات کی جانب اشارہ ہے کہ دونوں فریقوں کو ان مذاکرات میں پیش رفت اور کسی پائیدار طویل المدتی امن معاہدے تک پہنچنے کے لیے کتنی بڑی رکاوٹوں کا سامنا ہے۔

17. 20 اپريل 2026ایران کا مذاکرات میں حصہ نہ لینے کا فیصلہ تبدیل نہیں ہوا: ایرانی میڈیا

    کچھ دیر قبل امریکی جریدے دی نیو یارک پوسٹ کو دیے گئے ایک انٹرویو میں امریکی صدر ڈونلڈ ٹرمپ نے بتایا تھا کہ ایران کے ساتھ مذاکرات کے لیے نائب صدر جے ڈی وینس کی سربراہی میں امریکی وفد اسلام آباد روانہ ہو چکا ہے۔

    اس اعلان کے باوجود ایرانی پاسدارانِ انقلاب سے منسلک تسنیم نیوز ایجنسی نے دعویٰ کیا ہے کہ ایران کے مذاکرات میں حصہ نہ لینے کے فیصلے میں کوئی تبدیلی نہیں آئی ہے۔

    تسنیم کی خبر کے مطابق امریکی بحری ناکہ بندی مذاکرات میں ایک ’رکاوٹ‘ہے۔ خبر کے مطابق اس کے علاوہ امریکہ کی جانب سے ایران کو بھیجے گئے پیغامات میں ’مزید ضرورت سے زیادہ مطالبات کیے گئے ہیں‘ جو مذاکرات کے امکانات پر اثر انداز ہو رہے ہیں۔

    تسنیم کا کہنا ہے کہ ایران امریکہ کے ساتھ ’فوجی تصادم اور اسے ایک بار پھر سبق سکھانے کے لیے پوری طرح تیار ہے۔‘

    تاہم تسنیم نے اپنی رپورٹ میں کسی عہدیدار کا نام نہیں لیا ہے۔ ابھی دیکھنا ہے کہ آیا ایران مذاکرات میں شرکت کرے گا یا نہیں۔

18. 20 اپريل 2026نئی قیادت عقلمندی دکھائے تو ایران کا مستقبل خوشحال اور عظیم ہو سکتا ہے: ڈونلڈ ٹرمپ

    

    ،تصویر کا ذریعہGetty Images

    امریکی صدر ڈونلڈ ٹرمپ کا کہنا ہے کہ اگر ایران کے نئے رہنما عقلمند ہیں تو ایران کا مستقبل بہت تابناک ہو سکتا ہے۔

    اپنے سوشل میڈیا پلیٹ فارم ٹروتھ سوشل پر جاری ایک پیغام میں امریکی صدر کا کہنا ہے کہ ایران کے خلاف جنگ کے لیے اسرائیل نے انھیں راغب نہیں کیا اور سات اکتوبر 2023 کے واقعے نے ان کے دیرینہ موقف کو تقویت بخشی کہ ایران کے پاس کبھی بھی جوہری ہتھیار نہیں ہو سکتے۔

    صدر ٹرمپ کا یہ بھی کہنا تھا کہ اگر ایران کی نئی قیادت عقلمند ہے تو ایران کا مستقبل خوشحال اور عظیم ہو سکتا ہے۔

    اس سے قبل امریکی صدر ڈونلڈ ٹرمپ نے کہا تھا کہ اگر اسلام آباد میں امریکہ ایران مذاکرات میں کوئی پیش رفت ہوتی ہے تو وہ خود ایرانی قیادت سے ملاقات کے لیے تیار ہیں۔

    صدر ٹرمپ نے امریکی جریدے دی نیو یارک پوسٹ کو بتایا ہے کہ نائب صدر جے ڈی وینس، سٹیو وٹکوف اور جیرد کشنر پر مشتمل امریکی وفد ایران کے ساتھ امن مذاکرات کے لیے پاکستان روانہ ہو گیا ہے اور توقع ہے کہ وہ اگلے چند گھنٹوں میں اسلام آباد پہنچ جائیں گے۔

    ’وہ (اسلام آباد وقت کے مطابق) آج رات وہاں پہنچ جائیں گے۔‘

    انھوں نے مذاکرات کے حوالے سے شکوک و شبہات دور کرتے ہوئے کہا ہے کہ ہمارے مذاکرات ہونے جا رہے ہیں۔

    ’لہذا میں اس وقت فرض کروں گا کہ کوئی بھی کھیل نہیں کھیل رہا ہے۔‘

    ان کا مزید کہنا ہے کہ اگر کوئی پیش رفت ہوتی ہے تو وہ سینئر ایرانی رہنماؤں سے ملاقات کے لیے تیار ہیں۔ ’مجھے ان سے ملنے میں کوئی مسئلہ نہیں۔‘

    صدر ٹرمپ کا کہنا ہے کہ ’اگر وہ (ایرانی قیادت) ملاقات کرنا چاہتے ہیں تو ہمارے پاس کچھ بہت قابل لوگ ہیں۔۔۔۔ لیکن مجھے ان سے ملنے میں کوئی مسئلہ نہیں۔‘

19. 20 اپريل 2026کشیدگی کم کرنے کے لیے ہر سفارتی راستہ استعمال کیا جائے: ایرانی صدر

    ایران کے صدر مسعود پزشکیان کا کہنا ہے کہ ’جنگ سے کسی کو فائدہ نہیں ہوتا، اور خطرات کے خلاف ڈٹے رہتے ہوئے، کشیدگی کم کرنے کے لیے ہر منطقی اور سفارتی راستہ استعمال کیا جانا چاہیے۔‘

    سوموار کے روز وزارت انصاف کے دورے کے دوران ریمارکس دیتے ہوئے پزشکیان کا کہنا تھا کہ ایرانیوں کو ’ملک کے حقائق سے آگاہ رکھا جانا چاہیے۔‘

    ’غلط معلومات یا غیر حقیقی وعدے نہ صرف مسائل کو حل کرنے میں کوئی مدد فراہم نہیں کرتے بلکہ اس کے نتیجے میں عوامی اعتماد بھی مجروح ہوتا ہے۔‘

    پزیشکیان کا کہنا ہے کہ ’کامیابیوں اور چیلنجز دونوں کو ایمانداری سے عوام کے سامنے رکھنا چاہیے۔‘

20. 20 اپريل 2026آبنائے ہرمز سے بحری جہازوں کی معمول کی آمدورفت جاری رہنی چاہیے، صدر شی جنپنگ

    

    ،تصویر کا ذریعہGetty Images

    چین کے صدر شی جنپنگ کا کہنا ہے کہ آبنائے ہرمز سے جہازوں کی معمول کی آمدورفت جاری رہنی چاہیے۔

    چینی خبر رساں ایجنسی زنہوا کے مطابق، صدر شی نے یہ بات سعودی عرب کے ولی عہد محمد بن سلمان کے ساتھ ٹیلی فونک گفتگو کے دوران کہی۔

    مشرقِ وسطیٰ کی موجودہ صورتحال پر بات کرتے ہوئے شی جنپنگ کا کہنا تھا کہ چین فوری اور جامع جنگ بندی اور عسکری کارروائیوں کے خاتمے کا مطالبہ کرتا ہے اور امن کی بحالی کے لیے کی جانے والی تمام کوششوں کی حمایت کرتا ہے۔

    چینی صدر کا کہنا ہے کہ آبنائے ہرمز سے بحری جہازوں کی معمول کے مطابق آمدورفت خطے کے ممالک اور عالمی برادری کے مشترکہ مفاد میں ہے۔