 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
دلت ریلی میں لاکھوں شریک | ||||||||||||||||||||||||||||||||||||||||
بابا صاحب بھیم راؤامبیڈکر کی پچاسویں برسی کے موقعع پر ہندوستان کے ممبئی شہر میں ایک ریلی کے لیئے پورے ملک سے لاکھوں کی تعداد میں دلت جمع ہو رہے ہیں ۔ حال ہی میں ملک کے کانپور شہر میں بھیم راؤ امبیڈکر کے مجسمے کو نقصان پہنچنے کے خلاف بھڑکےتشدد کے پیش نظر انتظامیہ نے پورے شہر میں سکیورٹی کے سخت انتظامات کیئے ہیں۔ انتظامیہ نے کسی بھی نا خوش گوار واقعہ سے نمٹنے کے لیئے بڑی تعداد میں سکیورٹی فورسز کو تعینات کیا ہے۔ پورے ملک سے لاکھوں کی تعداد میں دلت ممبئی کے شواجی پارک ميں جمع ہوئے ہیں۔ پچاس برس قبل یہیں پرڈاکٹرامبیڈکر کی آخری رسومات ادا کی گئی تھیں۔ ڈاکٹرامبیڈکر پوری زندگی ذات پات کی تفریق کے خلاف لڑتے رہے۔دلتوں کو اس زمانے میں اچھوت کہا جاتا تھا۔ لیکن ان کے حامیوں کے خیال میں ایک طویل عرصہ گزرنے کے بعد بھی ملک کے دیہی علاقوں میں آج بھی ذات کی بنیاد پر تفریق کی جاری ہے۔ ریلی میں شریک ایک دلت کا کہنا تھا کہ انہیں اپنے گاؤں کے مندر میں پوجا کرنے کی اجازت نہیں ہے۔ انہوں نے بتایا کہ اس کے گاؤں میں اونچی ذات کے پنڈتوں کا بہت اثر ہے
اندازے کے مطابق تقریبا ڈیڑھ لاکھ دلت بدھ کی شام تک شیوا جی پارک پہنچنے والے ہيں ۔ دلت طبقہ کے لوگ بھنڈارہ ضلع کے کھیر لیجنی گاؤں میں حال ہی میں ایک ہی خاندان کے چار افراد کے قتل کے معاملے سے بھی کافی ناراض ہیں۔ پولیس پرالزام ہے کہ انہوں نے بھیا لال کی رپورٹ درج کرنے میں جان بوجھ کرتاخیر کی تھی تاکہ سارے ثبوتوں کو مٹایا جا سکے۔ | 
اسی بارے میں  دلتوں سے امتیازی سلوک جاری ہے 06 December, 2005 | انڈیا دلتوں نے مذہب تبدیل کر لیا14 October, 2006 | انڈیا دلتوں کا قتل: چار پولیس اہلکار گرفتار08 November, 2006 | انڈیا انڈیا:دلتوں کی احتجاجی ریلی 03 December, 2006 | انڈیا | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
دلت طبقہ کے لوگ بھنڈارہ ضلع کے کھیر لیجنی گاؤں میں حال ہی میں ایک ہی خاندان کے چار افراد کے قتل کے معاملے سے بھی کافی ناراض ہیں۔ 
