شکیل اختر
بی بی سی اردو سروس، دلی |  |
|  اکیسویں صدی مسائل کو حل کرنے کا دور ہے |
پاکستان کے صدر جنرل پرویز مشرف نے کہا ہے کہ باہمی مسائل کے حل کے لیے فضا بہت ساز گار ہے۔ نئی دلی میں اپنے اعزاز میں دیئے گئے عشائیے میں مہمانوں سے خطاب کرتے ہوئے صدر مشرف نے کہا کہ’ ہندوستان اور پاکستان کے درمیان فضا اتنی ساز گار پہلے کبھی نہیں ہوئی تھی‘۔ صدر مشرف نے کہا کہ وہ کرکٹ میچ دیکھنے کے علاوہ یقینی طور پر دوسرے اہم معاملات پر اپنی توجہ مرکوز کرنا چاہیں گے۔ صدر مشرف نے کہا کہ وہ دونوں ملکوں کے درمیان اعتماد سازی کو فروغ دینے اور ’سبھی تنازعات‘ کے حل کی سمت دیکھ رہے ہیں۔ صدر مشرف نے کہا ہم اکیسویں صدی میں ہیں جو مسائل کو حل کرنے کا دور ہے۔ انہوں نے کہا کہ تنازعات کو دبا کر رکھنے سے مسائل کا حل نہیں گا بلکہ وہ مسائل بنے رہیں گے۔ بھارتی وزیر اعظم من موہن سنگھ نے صدر مشرف کا استقبال کرتے ہوئے دونوں ملکوں کے درمیان اعتماد سازی اور سری نگر، مظفرآباد بس سروس کا ذکر کرتے ہوئے کہا کہ دونوں ملکوں نے ان اقدامات کی حمایت کی ہے۔ بھارتی وزیر اعظم من موہن سنگھ نے کہ امن کا عمل اور جامع مذاکرات پہلے سے زیادہ جذبے کے ساتھ جاری رہنے چاہیں۔ بھارتی وزیر اعظم نے کہا ’ تاہم مذاکرات کے عمل کو جاری رکھنے اور اس کو مزید آگے بڑھانے کے لیے شدت پسندانہ کاروائیوں پر قابو ہو گا اور دونوں ملکوں کو ملک کر اس خطے سے شدت پسند سرگرمیوں کا مقابلہ کرنا ہو گا‘۔ دونوں رہنماؤں کے درمیان باضابطہ مذاکرات اتوار کو ہوں گے۔ صدر مشرف نے دلی پہچنے سے قبل اجمیر میں خواجہ معین الدین چشتی کی درگاہ پر حاضری دی۔ | 
یہ صفحہ دوست کو ای میل کیجیئے
پرِنٹ کریں
