 |  ہانگ کانگ میں مارشل آرٹ فلموں کے بادشاہ بروس لی کا مقدمہ نصب کیا جائےگا |
مارشل آرٹ فلموں کے بادشاہ معروف اداکار بروس لی کی پینسٹھویں سالگرہ کے موقع پر ہانگ کانگ میں ان کا ایک کانسی کامجسمہ نصب کیا جا رہا ہے۔ اس مجسمہ کہ جس کی نقاب کشائی نومبر میں کی جائے گی اس پر لی کے بارے میں اس طرح درج کیا گیا ہے کہ’اس صدی کا چائنا کی فلموں کا چمکتا ہوا ستارہ‘ لی کے چاہنے والوں کو انٹرنیٹ کے ذریعے اس پر بنائے ہوئے تین مجسموں میں سے کسی ایک کو چننے کی دعوت دی گئی ہے۔ لی کا انتقال انیس سو ستتر میں بتیس سال کی عمر میں دماغ میں سوجن آجانے کی وجہ سے ہوا تھا۔ وہ امریکہ میں پیدا ہوا اور بچپن ہی میں فلمو ں میں کام کرنے کا شوق اسے ہانگ کانگ لے گیا۔ شہر کا بروس لی کلب اس مجسمے کی تیارے میں مالی معاونت کر رہا ہے۔
درحقیقت کلب بروس کے حوالے سے ایک میوزیم تعمیر کرنا چاہتا ہے لیکن اس کے پاس اتنے فنڈ اور کوئی مناسب جگہ میسر نہیں ہے کہ جہاں وہ اپنے ان ارادوں کو عملی جامہ پہنا سکے۔ منتظمین کوامید ہے کہ دو میڑ اونچا کی کا مجسمہ جسے لی کے پہلے مجسمے کا اعزاز بھی حاصل ہو گا جلد ہی دنیا کے سامنے پیش کر دیا جائےگا۔ اس حوالے سے یہ بھی منصوبہ ہے کہ نومبر میں موسٹر شہر میں بوسنین کے مقام پر بروس کے مجسمے کی نقاب کشائی کی جائے۔ لی کی بیوی لنڈا لی کو بھی اس تقریب میں شرکت کی دعوت دی گئی ہے۔ لی نےچار مارشل آرٹ فلمیں بنائیں۔ جن میں فسٹ آف فری (انیس سو باہتر)، دوسری اینٹر دی ڈریگن، دی چائنیز کننکشن اینڈ ریٹرن آف دی ڈریگن شامل ہیں جو انیس سو تہتر میں بنائیں گئی تھیں۔ان فلموں نے فلموں کی تاریخ میں بروس لی کی جگہ کو یقینی بنایا۔ | 
یہ صفحہ دوست کو ای میل کیجیئے
پرِنٹ کریں
