ریحانہ بستی والا
ممبئی |  |
|  آیئفا ایوارڈ تقریب میں شرکت کے لئے بالی وڈ کے نامور اور بڑے ستارے شرکت کریں گے |
انٹرنیشنل انڈین فلم اکیڈمی ’آیئفا‘ کا ایوارڈ فنکشن اس سال نو جون کو ایمسٹرڈم میں منعقد ہو رہا ہے۔ آیئفا کا یہ چھٹا سالانہ ایوارڈ فنکشن ہے۔ یہ تقریب کئی معنوں میں اہمیت کی حامل ہو گی کیونکہ نہ صرف پہلی مرتبہ یورپی ممالک ہندی فلم انڈسٹری کے ساتھ تجارتی معاہدے کریں گے بلکہ ہندی فلم ’پرینیتا‘ وہاں کے سنیما گھر کے علاوہ ٹیلیویژن پر بھی دکھائی جائے گی۔ نیدر لینڈ کی اپنی فلم انڈسٹری ہے۔ وہاں کے وزیر اعظم تقریب کے آغاز میں عالمی تجارتی فورم کا افتتاح کریں گے۔ اس فورم کی تشکیل ممبئی میں فریمس 2005 کے پروگرام میں ہو چکی ہے۔ آیئفا کے برانڈ سفیر اور مشہور بولی وڈ اسٹار امیتابھ بچن کا کہنا ہے کہ یہ بولی وڈ اور خود ان کے لئے فخر کی بات ہے کہ دونوں ممالک کی انڈسٹری اپنے پروں کو پھیلا رہی ہیں اور اس سے عالمی سطح پر فلم اور تفریح کو پہچانا جا سکے گا۔ |  دیا مرزا اور رائما سن پریس کانفرنس کے دوران گفتگو کرتے ہوئے |
بچن نے کہا کہ انہیں اس بات کی بھی خوشی ہے کہ پہلی مرتبہ ان کے دوست ودھو ونود چوپڑہ کی فلم پرینیتا کی نمائش ایمسٹرڈم کے قدیم تھیئٹرمیں ہو گی۔بچن کی فلم بلیک کو وہاں کے لوگوں نے کافی سراہا ہے اور اسی لئے امیتابھ خوش ہیں کہ یہاں کے لوگوں میں ہندی فلموں کے تئیں کافی پسندیدگی کا رجحان ہے۔ آیئفا کی یہ تقریب تین روز تک جاری رہے گی جس میں نامور ہستیاں کرکٹ میچ کھیلیں گی، فلموں کا فیسٹیول ہو گا اور تیسرے روز ورلڈ پریمیئر ہو گا۔ ہر سال آیئفا ایوارڈ میں بولی وڈ کے نامور ستارے شرکت کرتے ہیں۔گزشتہ تقریب سنگاپور میں ہوئی تھی اس مرتبہ ایمسٹرڈم میں ہونے والی اس آیئفا ایوارڈ تقریب میں شرکت کے لئے بالی وڈ کے نامور اور بڑے ستارے جن میں امیتابھ کے علاوہ ابھشیک بچن، شاہ رخ خان، سلمان خان، ایشوریہ رائے، کرینہ کپور اور شاہد کپور، ایشا دیول، لارا دتہ اور سیف علی خان شامل ہیں۔ | 
یہ صفحہ دوست کو ای میل کیجیئے
پرِنٹ کریں
