د هند او پاکستان تر منځ تاو تریخوالي ته د ځايي خلکو غبرګون

د هند او پاکستان تر منځ د تاو تریخوالي له ډېرېدو سره د دواړو هېوادونو د اوسېدونکو پر ژوند ژواک څه ډول اغېز شوی؟

د عکس تشریح، د هند تر کنټرول لاندې کشمیر کې ځايي اوسېدونکې د هند هوايي ځواک یو غورځېدلې چورلکې څنګ ته ولاړ لیدل کېږي. دغه تصویر ځايي اوسېدونکو د بي بي سي له خبریال ریاض مسرور سره شریک کړی.

د عکس سرچینه، AFP

د عکس تشریح، د هند تر کنټرول لاندې کشمیر کې یوه ځايي ښځه له هغه خندقه اوبه بهر ته باسي چې د جګړې په صورت کې د پناه ځای په توګه استعمالېږي.

د عکس سرچینه، Reuters

د عکس تشریح، هندي پوله ساتي ځواکونه په جمو سیمه کې له پاکستان سره د پولې اوږدو کې ګزمه کوي.

د عکس سرچینه، EPA

د عکس تشریح، د هند ممبۍ ښاریان د هند له ملي بېرغ او بنرونو سره خواږه وېښي.

د عکس سرچینه، Getty Images

د عکس تشریح، هندي مسلمانان پاکستان کې د هندي الوتکو له برید وروسته د ممبۍ ممبرا شریف زیارت کې د شکرانې دعا کوي.

د عکس سرچینه، Getty Images

د عکس تشریح، د هند پونا ښار کې د بي جي پي ګوند ځايي فعالانو پاکستان کې د هندي الوتکو له برید وروسته د پاکستاني لومړي وزیر عمران خان تصویرونو ته اور ورته کړ.

د عکس سرچینه، EPA

د عکس تشریح، د پېښور یو شمېر اوسېدونکو پاکستان کې د هندي الوتکو له بمبارۍ وروسته احتجاج وکړ.

د عکس سرچینه، Getty Images

د عکس تشریح، د هند ممبۍ ښار کې ځايي اوسېدونکي له تازه پېښو د خبرېدو لپاره ورځپاڼه لولي.

د عکس سرچینه، EPA

د عکس تشریح، د پاکستان لاهور ښار اوسېدونکي په خپل هېواد کې د هندي الوتکو له بمبارۍ وروسته احتجاج کوي.

د عکس سرچینه، EPA

د عکس تشریح، د هند بهوپال کې هندیان په پاکستان کې د خپل هېواد د هوايي ځواک بمبارۍ له کبله خوښۍ نمانځي

د عکس سرچینه، EPA

د عکس تشریح، ۲۰۱۸ کال کې د هند او امریکا ګډو پوځي تمریناتو پر مهال د هند هوايي ځواک میراژ ډوله الوتکې لیدل کېږي. هند ادعا کوي چې د پاکستان بالاکوټ ته نژدې همدې میراژ ډوله الوتکو بمباري کړې، خو پاکستان دغه ادعا ردوي.

د عکس سرچینه، Getty Images

د عکس تشریح، د پاکستان لاهور کې د اسلامي جمعیت طلبه نومي سازمان غړي د هند خلاف احتجاج کوي.

د عکس سرچینه، Getty Images

د عکس تشریح، اسلام اباد کې ځايي اوسېدونکي د لومړي وزیر عمران خان ټلویزیوني وینا اوري.

د عکس سرچینه، Getty Images

د عکس تشریح، د هند او پاکستان تر منځ د تاوتریخوالي له ډېرېدو وروسته د شخصي هوايي شرکتونو الوتنې لغو شوې او د هند تر کنټرول لاندې کشمیر جمو هوايي ډګر کې مساپر اندېښمن لیدل کېږي.