ډیلي کې "ونې وژغورئ" کمپاین

د هندوستان په پلازمېنه نوي ډيلي کې د چاپیریال ساتنې فعالانو په دغه ښار کې د ونو د وهلو د مخنیوي په پار د "ونې وژغورئ" په نامه کمپاین پیل کړی دی.

د عکس سرچینه، EPA

د عکس تشریح، د هندوستان په پلازمېنه نوي ډيلي کې د چاپېریال ساتنې یو شمېر فعالانو د ونو د پرې کولو د مخنیوي په پار د "ونې وژغورئ" تر نامه لاندې کمپاین پیل کړی دی. د سرچینو په حواله په نوي ډیلي کې د نویو دولتي کورونو د جوړولو لپاره ۱۶۵۰۰ ونې پرې کېږي.

د عکس سرچینه، EPA

د عکس تشریح، د چاپیریال ساتنې فعالان د ونو له ډډونو ټوټي تاووي چې " ما وژغورئ" متن پرې لیکل شوی دی.

د عکس سرچینه، Reuters

د عکس تشریح، په نوي ډیلي ښار کې هوا ډېره ککړه ده چې د دغه ښار اوسېدونکي یې اندېښمن کړي دي.

د عکس سرچینه، EPA

د عکس تشریح، د یوې څېړنې له مخې، په نوي ډیلي کې د اوسېدونکو څه باندې ۴ میلیونو ماشومانو له ډلې یې کابو نیمايي د سږو په ناروغیو اخته دي.

د عکس سرچینه، EPA

د عکس تشریح، د هندوستان د چاپېریال ساتنې ادارې یا سي ایس ای، د معلوماتو له مخې، د ککړې هوا له امله په نوي ډیلي کې هر کال له ۱۰ تر ۳۰ زرو کسان خپل ژوند له لاسه ور کوي.