ترکیه کې د اردوغان د بري جشن

وروسته له هغه چې د ترکیې ولسمشر رجب طیب اردوغان په ولسمشریزو ټاکنو کې د بیاځلي بري خبره وکړه، نو پلویان یې د ترکیې په بېلابېلو ښارونو کې لارو او کوڅو ته را ووتل چې دغه خوشحالي ولمانځي.

د عکس سرچینه، AFP

د عکس تشریح، کله چې د ترکیې ولسمشر رجب طیب اردوغان وویل، د نارسمي پایلو له مخې یې د ترکیې په ولسمشریزو ټاکنو کې بیاځلي بریا ګټلې، نو پلویان یې سړکونو ته راووتل چې دغه جشن ولمانځي.

د عکس سرچینه، AFP

د عکس تشریح، د دولتي رسنیو د معلوماتو له مخې، اردوغان د ټولو کارول شویو رایو له ډلې ۵۳ سلنه رایې ګټلي دي. په داسې حال کې چې اصلي ټاکنیز سیال 'محرم اینجه' بیا ۳۱ سلنه رایې تر لاسه کړي دي.

د عکس سرچینه، Reuters

د عکس تشریح، مخالف ګوند د اردوغان له بريالیتوب سره مخالفت کړی او ویلي دي چې تر اوسه لا ډېرې رایې له شمېره پاتې دي.

د عکس سرچینه، AFP

د عکس تشریح، له دې سره رجب طیب اردوغان د پنځو کلونو لپاره بیاځلي د ترکیې ولسمشر شو

د عکس سرچینه، AFP

د عکس تشریح، ښاغلي اردوغان پر خپلې بریا سربېره په پارلماني ټاکنو کې د خپل ګوند د بریا خبره هم کړې ده.

د عکس سرچینه، EPA

د عکس تشریح، له ولسمشریزو ټاکنو سره یو مهال په ترکیه کې پارلماني ټاکنې هم وشوې . د دولتي رسنیو د معلوماتو له مخې، تر اوسه د پارلماني ټاکنو ۹۶ سلنه رایې شمېرل شوي چې له ډلې یې ۴۳ سلنه د ښاغلي اردوغان د ګوند نوماندانو تر لاسه کړي او تر نورو ګوندونو مخکې دی