ژوندۍ پاڼه, عراقچي: هرمز تنګی به د اوربند تر پایه پرانیستی وي، ټرمپ: "مننه"

ژوندی پوښښ

1. ۲ دقیقې وړاندېپه تهران کې یو لوړ پوړی چارواکی وايي، د ایران بډایه شوي یورانیم به هیڅ ځای ته ونه لېږدول شي, غونچه حبیبي ازاد- بي بي سي فارسي

   د ایران د بهرنیو چارو وزارت ویاند اسماعیل بقايي د ایران له دولتي ټلویزیون سره خبرو کې وايي ،"امریکا ته د یورانیم لېږد د یو اختیار په توګه نه دی وړاندې شوی. د ایران بډایه شوي یورانیم زموږ لپاره د ایران د خاورې په څېر سپېڅلي دي او په هیڅ حالت کې به هیڅ ځای ته ونه لېږدول شي".

   د ښاغلي بقايي دا څرګندونې د امریکا د ولسمشر ډونلډ ټرمپ له هغو خبرو وروسته مخې ته راځي، چې وايي، ایراني لوري له خپل هېواده د بډایه شویو یورانیمو لېرې کولو په ګډون ''د هر څه په هکله موافقه کړې.''

   د خبرو په تړاو اسماعیل بقايي وايي،"د بندیزونو لېرې کول زموږ لپاره خورا مهم دي، د زیانونو جبران د ایران لپاره یو ځانګړی لومړیتوب دی".

   

   د عکس سرچینه، IRIB

2. ۵ ساعتونه وړاندېوروستی, د ایران دولتي ټلوېزیون: د هرمز تنګي له لارې تګ راتګ به د سپاه پاسداران په اجازه وي

   

   د عکس سرچینه، Telewebion/IRINN

   نن غرمه مهال، د ایران د بهرنیو چارو وزیر عباس عراقچي پر اېکس (پخواني ټویټر) په یو پوسټ کې وویل: "د اوربند د پاتې مودې لپاره د هرمز تنګي له لارې د ټولو سوداګریزو کښتیو تګ راتګ په بشپړ ډول ازاد اعلان شو."

   خو اوس د ایران دولتي ټلوېزیون د یو "لوړپوړي پوځي چارواکي" له قوله ویلي چې د دغو کښتیو تګ راتګ به د یوې "ټاکل شوې لارې" له لارې او د سپاه پاسداران د سمندري ځواکونو په اجازه ترسره کېږي.

   دغه چارواکي دولتي ټلوېزیون ته وویل چې دغه ټاکل شوې لاره د ایران د بندرونو او سمندري چلند سازمان لخوا په ګوته شوې ده.

   د ایران د دولتي ټلوېزیون په وینا، د دغه لوړپوړي پوځي چارواکي په حواله، د هرمز تنګي له لارې د پوځي کښتیو تګ راتګ به لا هم "منع" وي.

3. ۷ ساعتونه وړاندېوروستی, د هرمز تنګي له اعلان وروسته د تېلو بیې په چټک ډول راولوېدې

   د مطلب په اړه جزییات

   • • 
     • Author, تېو لیګېټ
     • دنده, د بي‌بي‌سي نړیوال اقتصادي خبریال

   

   د عکس سرچینه، Getty Images

   د خامو تېلو بیې په چټک ډول وروسته له هغه راټیټې شوې، چې د ایران د بهرنیو چارو وزیر اعلان وکړ د هرمز تنګی به د اوربند د پاتې مودې لپاره د ټولو سوداګریزو کښتیو پر مخ بشپړ پرانیستی وي.

   له دې اعلان وروسته، د برېنټ خام تېلو د یو بېرل بیه له ۹۰ ډالرو هم کمه شوه، حال دا چې د همدې ورځې په پیل کې له ۹۸ ډالرو لوړه وه.

   د امریکا معیار تېل، چې د NYMEX سپک خام تېل بلل کېږي، هم په څرګند ډول راولوېدل.

   د جګړې له پیل مخکې، د برېنټ خام تېلو بیه نژدې ۷۰ ډالره وه. دا بیه د مارچ په پیل کې له ۱۰۰ ډالرو پورته شوه او وروسته په همدې میاشت کې تر ۱۱۹ ډالرو هم لوړه شوه.

4. ۸ ساعتونه وړاندېوروستی, د هرمز تنګي بیا پرانیستلو په اړه د ټرمپ تبصره: "مننه!"

   د ډونلډ ټرمپ پر خپله ټولنیزه رسنۍ ټروت سوشل لیکلي:

   "ایران تازه اعلان کړی چې د ایران تنګی په بشپړ ډول پرانیستی او د بشپړ تګ راتګ لپاره چمتو دی. مننه!"

   دا څرګندونې وروسته له هغه شوې چې د هرمز تنګي د بیا پرانستلو اعلان وشو، چې د نړیوالو بازارونو او سوداګرۍ لپاره مهم پرمختګ بلل کېږي.

   

   د عکس سرچینه، Getty Images

5. ۸ ساعتونه وړاندېوروستی, عباس عراقچي: هرمز تنګی به د اوربند تر پایه د ټولو سوداګریزو بېړیو لپاره پرانیستی وي

   عباس عراقچي په ټولنیزو شبکو کې لیکلي: "د لبنان د اوربند په چوکاټ کې، د هرمز تنګي له لارې د ټولو سوداګریزو بېړیو تګ راتګ د اوربند تر پاتې مودې پورې په بشپړ ډول پرانیستی اعلانېږي."

   د ایران د بهرنیو چارو وزیر زیاته کړه: "دا تګ راتګ به له هغه همغږي شوي مسیر څخه ترسره کېږي چې مخکې د ایران د بندرونو او سمندري ادارې له خوا اعلان شوی و."

   په همدې حال کې، "اکسیوس" د امریکایي چارواکو له قوله راپور ورکړی چې متحده ایالات او ایران د جګړې د پای ته رسولو لپاره د درې مخیز پلان پر سر خبرې کوي.

   د راپور له مخې، د بحث له مهمو ټکو یو دا دی که ایران خپل بډایه شوي یورانیم وسپاري، نو امریکا به د ایران له کنګل شویو شتمنیو ۲۰ میلیارده ډالر ازاد کړي.

6. ۸ ساعتونه وړاندېوروستی, د هرمز تنګي له لارې څومره خام تېل لېږدول شوي؟

   

   د بریتانیا لومړی وزیر کېیر سټارمر د جمعې په ورځ د پاریس د الیزه ماڼۍ ته ورسېد او له امانوېل ماکرون سره تر لیدنې مخکې یې وویل تر خپله وسه به هڅه وکړي چې پر خلکو د ایران د جګړې اغېز کم کړي او د هرمز تنګی بیا پرانیستل شي.

   هغه خبریالانو ته وویل دا ډېر مهمه ده چې یو نړیوال ائتلاف جوړ شي، چې هدف د اوربند تلپاتې کېدل شي، هوکړه ترلاسه او د هرمز تنګی پرانیستی پاتې شي.

   هغه زیاته کړه: "دا زموږ د ټولو په ګټه ده، ځکه د ایران جګړه د ټولو اقتصادونو پر وضعیت اغېز کوي، له همدې امله هېوادونه سره یو ځای کېږي."

   سټارمر وویل چې د دې هدف لپاره ډیپلوماټیک، سیاسي، لوژستیکي، اقتصادي او پوځي چوکاټ ته اړتیا ده او همدا هغه موضوع د جوړېدونکې ناستې اصلي سکالو ده.

   سټارمر او ماکرون له غونډې وروسته د شاوخوا ۴۰ هېوادونو یوه مجازي ناسته هم رهبري کوي، چې څو اړخیز ماموریت له لارې د هرمز تنګي د سمندري تګ راتګ خونديتوب بېرته ډاډمن کړي.

7. ۲۸ وری ۱۴۰۵ - ۱۷ اپریل ۲۰۲۶وروستی, د لبنان او اسرائیل ترمنځ د اوربند له پیل وروسته د تېلو د بیو کمښت

   د لبنان او اسرائیلیو ترمنځ د اوربند له پلې کېدا وروسته د تېلو بیې د جمعې په سهار د اسیا په بازارونو کې لږې راټیټې شوې.

   د نړیوال معیار برینټ نفتو بیه نژدې ۱ سلنه کمه شوه او د هر بېرل بیه ۹۸.۵۰ ډالرو ته ورسېده.

   په امریکا کې د سوداګريزو تېلو بیه هم ۱.۲ سلنه راټیټه شوه او شاوخوا ۹۳.۶۰ ډالرو ته ښکته شوه.

8. ۲۸ وری ۱۴۰۵ - ۱۷ اپریل ۲۰۲۶وروستی, د اوربند له پلې کېدا وړاندې اسرائیلو لږترلږه ۱۳ لبنانیان ووژل

   

   د عکس سرچینه، Reuters

   وروسته له هغه چې اسرائیلو د لبنان سوېلي ساحلي صور ښار په نښه کړ، ۱۳ لبنانیان یې ووژل او ۳۵ نور یې ټپیان کړل.‌

   دا بریدونه د اوربند له نافذېدو څو دقیقې مخکې شوي دي، چې د فرانس پرېس خبري اژانس ته د یوه سیمه‌ییز چارواکي له خوا تایید شوي.

   د راپور له مخې، بریدونه د سمندر غاړې د کورنیس په نژدې سیمو کې درې دقیقې مخکې له اوربند څخه شوي، چې له امله یې ودانۍ له منځه تللې دي.

   د ژغورنې ډلې لا هم په سیمه کې له کنډوالو لاندې ورک شوي کسان لټوي.

   د صور د ښاروالۍ یوه چارواکي ویلي چې په لومړني راپور کې ۱۳ کسان وژل شوي، ۳۵ ټپیان دي او لږ تر لږه ۱۵ نور کسان لا درک نه لري.

9. ۲۸ وری ۱۴۰۵ - ۱۷ اپریل ۲۰۲۶وروستی, حزب‌الله: د هر ډول احتمالي سرغړونې صورت کې مو جنګیالي ګوتې په ماشه دي

   حزب‌الله د جمعې په ورځ په یوه بیان کې ویلي چې د دوی جنګیالي به د اوربند د هر ډول سرغړونې په صورت کې- که اسرائیل له هوکړې سرغړونه وکړي، چمتو وي. دا اوربند د پنجشنبې او جمعې تر منځ د شپې په نیمایي کې نافذ شو، څو ساعته وروسته له هغه چې د ډونلډ ټرمپ له خوا اعلان شوی و.

   حزب‌الله په خپل بیان کې ویلي چې د جګړې له پیل، د مارچ له دویمې نېټې راهیسې، دوی "۲۱۸۴ بېلابېل پوځي عملیات" کړي، چې پکې د اسرائیلو ښارګوټي، پوستې او د پولې په نژدې لبناني سیمو کې د سرتېرو تحرکات په نښه شوي دي.

   په بیان کې زیاتوي: "د دغو مجاهدینو لاسونه به پر ماشه پاتې وي او د دوښمن له خیانت او د هوکړې له ماتولو څخه به ځانونه خبروي."

   دا بیان د فرانس پرېس له قوله راغلی او زیاتوي چې هوکړه د لس ورځني اوربند لپاره شوې ده.

10. ۲۸ وری ۱۴۰۵ - ۱۷ اپریل ۲۰۲۶وروستی, ټرمپ د ۱۰ جګړو ختمولو ادعا کوي- ثبوت یې څه دی؟, جک هارټن

    کله چې پرون د اسرائیل او لبنان ترمنځ د اوربند اعلان وشو، د امریکا ولسمشر ډونلډ ټرمپ وویل: "دا زما لپاره ویاړ دی چې د نړۍ په کچه مې ۹ جګړې حل [ختمې] کړې دي او دا به زما لسمه وي."

    هغه تر دې مخکې هم ادعا کړې وه چې اته جګړې یې پای ته رسولې دي او وروستۍ جګړه له ایران سره - چې امریکا یې له اسرائیل سره یو ځای پیل کړې وه - ښايي نهمه وي. د لبنان پر وړاندې د اسرائیل پوځي عملیات د حزب‌الله پر ضد بیا هغه لسمه جګړه بولي.

    که څه هم د لبنان په اړه ظاهراً یو اوربند شوی او د ایران اوربند هم د اپرېل له اتمې راهیسې نافذ دی، خو تر اوسه د دغو شخړو لپاره هېڅ دايمي سوله‌ییز تړون نه دی شوی.

    هغه نورې اته جګړې چې ټرمپ ادعا کوي پای ته یې رسولې، د سپینې ماڼۍ په وینا دا دي:د اسرائیل او حماس ترمنځ، د اسرائیل او ایران ترمنځ، د پاکستان او هند ترمنځ، د رواندا او د کانګو دیموکراتیک جمهوریت ترمنځ، د تایلنډ او کمبوډیا ترمنځ، د ارمنستان او اذربایجان ترمنځ، د مصر او ایتوپیا ترمنځ او د سربیا او کوزوو ترمنځ.

    د بي بي سي‌وریفای څانګې مخکې هم دا ادعا څېړلې ده. د دوی له ارزونې سره سم، دا سمه ده چې ټرمپ کولای شي په ځینو مواردو کې ځان ته امتیاز ورکړي - لکه د غزې په اړه د اسرائیل او حماس ترمنځ د اوربند په منځګړیتوب کې مرسته - خو یو شمېر نورو "جګړو" یوازې څو ورځې دوام درلود او د هغو هېوادونو ترمنځ وې چې له مخکې نه اوږدمهاله ترینګلتیاوې لري.

    په یوه مورد کې، د مصر او ایتوپیا ترمنځ "جګړه" اصلاً جګړه نه وه، بلکې د بند د جوړولو پر سر یو ډیپلوماتیک اختلاف و او هېڅ ډول حقیقي جګړه نه وه چې پای ته ورسېږي.

    همدارنګه، د رواندا او د کانګو دیموکراتیک جمهوریت ترمنځ، سره له دې چې په واشنګټن ډي‌سي کې د سولې تړون لاسلیک شو، بیا هم نښتې دوام موندلی دی.

11. ۲۸ وری ۱۴۰۵ - ۱۷ اپریل ۲۰۲۶وروستی, ټرمپ وايي‌د لبنان پر احتمالي هوکړې "ډېر زیات خوشاله" دی

    د امریکا ولسمشر وايي لبنان کې د اوربند په اړه ډېر خوشاله دی او دا لومړی ځل دی چې له ۴۴ کلونو وروسته لبنان او اسرائیل سره مخامخېږي. ښايي ‌د دوی ترمنځ غونډه راتلونکې اونۍ په سپینه ماڼۍ کې وشي.

12. ۲۸ وری ۱۴۰۵ - ۱۷ اپریل ۲۰۲۶وروستی, د ملګرو ملتونو سرمنشي انتونیو ګوتېرېش د اسرائیل او لبنان ترمنځ د اوربند هرکلی وکړ

    

    د عکس سرچینه، EPA

    د ملګرو ملتونو سرمنشي انتونیو ګوتېرېش د اسرائیل او لبنان ترمنځ د اوربند هرکلی کړی او له متحده ایالات یې د دې هوکړې د اسانتیا لپاره مننه کړې ده.

    هغه په یوه اعلامیه کې هیله څرګنده کړه چې دا اوربند به "د دې شخړې لپاره د اوږدمهاله حل د موندلو په موخه د خبرو اترو زمینه برابره کړي" او په سیمه کې به د "تلپاتې او هر اړخیزې سولې د ټینګښت" له هڅو سره مرسته وکړي.

    ښاغلي ګوتېرېش همدارنګه له ټولو اړخونو وغوښتل چې اوربند ته درناوی وکړي او "په هر حالت کې نړیوالو قوانینو ته ژمن پاتې شي."

13. ۲۸ وری ۱۴۰۵ - ۱۷ اپریل ۲۰۲۶ټرمپ وايي، د ایران جګړه باید ډېر ژر پای ته ورسېږي

    

    د عکس سرچینه، Reuters

    د امریکا ولسمشر ډونالډ ټرمپ په نیواډا کې د مالیې ورځې په یوه غونډه کې د ایران جګړې په هکله لنډه وینا وکړه. هغه وویل، "زه به ووایم چې په ایران کې جګړه په سمه روانه ده" او دا چې "باید ډېر ژر پای ته ورسېږي".

    هغه ډېر تفصیل بیان نه کړ، خو د امریکايي پوځ ستاینه یې وکړه چې د ده په خبره د توغندیو په غورځولو کې ښه دي.

    د تېرې اونۍ پای کې د پاکستان پلازمېنه کې ایراني او امریکايي استازه یوې موافقې ته رسېدلو کې پاتې راغلل.

    سپینه ماڼۍ وايي، د سولې خبرو د احتمالي دوهم پړاو په اړه بحثونه "روان دي" خو وخت یا ځای یې تائید شوی نه دی.

14. ۲۷ وری ۱۴۰۵ - ۱۶ اپریل ۲۰۲۶په لبنان کې بې ځایه شوي خلک د اوربند په تړاو خوښي لمانځي

    د اسرائیلو او حزب الله ترمنځ د لسو ورځو اوربند پیل شو او لبنانیان له دې کبله خوښۍ څرګندوي. ځینې یې په داسې حال کې په لارو کوڅو کې خوښي څرګندوي، چې ځینې نور بیا د موټرو له کاروانونو سره یوځای کېږي، چې د سویلي لبنان په هغو برخو کې خپلو کورونو ته ستانه شي، چې اسرائیل له یوې میاشتې راهیسې بمبارۍ پرې کوي.

    

    د عکس سرچینه، Reuters

    

    د عکس سرچینه، Reuters

    

    د عکس سرچینه، Reuters

    

    د عکس سرچینه، Reuters

15. ۲۷ وری ۱۴۰۵ - ۱۶ اپریل ۲۰۲۶وروستی, د ایران د پارلمان مشر: لبنان د امریکا او ایران ترمنځ د اوږدمهاله اوربند "نه بېلېدونکې برخه" ده

    د ایراني پارلمان مشر وايي، لبنان له امریکا سره د هر اړخیز اوربند یوه "نه بېلېدونکې برخه" جوړوي.

    پر ټیلیګرام یوه پیغام کې محمد باقر قالیباف وايي، لبنان به "په سیمه کې د دوامدارې سولې د پرمخ وړلو لپاره مهم رول ولوبوي."

    د هغه دا څرګندونې د پاکستان له یوه پوځي افسر سره له لیدنې وروسته شوې دي.

    په بیان کې ویل شوي: "د کړکېچ په ټولو برخو کې د هر اړخیز اوربند رامنځته کول د ایران او متحده ایالاتو ترمنځ د لومړني اوربند توافق له مادو څخه یوه ده، چې د پاکستان په منځګړیتوب ترسره شوی."

16. ۲۷ وری ۱۴۰۵ - ۱۶ اپریل ۲۰۲۶د اسرائیل او لبنان ترمنځ اوربند رسماً پیل شو

    د امریکا بهرنیو چارو وزارت د اسرائیل او لبنان ترمنځ د لس ورځني اوربند جزئیات اعلان کړل، چې د پنجشنبې پر ورځ پنځه بجې 'د برېتانیا له وخت سره سم ماښام لس بجې' پیل شو.

    د دې اعلامیې له مخې، دواړو خواوو، چې په دې اونۍ کې یې په واشنګټن کې مخامخ خبرې وکړې، ټینګار وکړ چې دوی "له یو بل سره په جګړه کې نه دي" او ژمنه یې وکړه چې د امریکا په منځګړیتوب به په ښه نیت مستقیمو خبرو اترو کې برخه واخلي.

    د توافق نور مهم ټکي:

    • دغه اوربند د "اسرائیلي حکومت لخوا د ښه نیت اقدام" په توګه تشریح شوی دی.
    • که خبرې پرمختګ وکړي، نو دا د دوه اړخیزې موافقې له مخې غځول کېدای شي.
    • له اوربند سره سره، متحده ایالاتو ټینګار کړی چې "اسرائیل حق لري چې د نږدې راتلونکي یا روانو ګواښونو پر وړاندې د ځان دفاع لپاره ټول اړین اقدامات وکړي".
    • د لبنان حکومت ژمنه کړې چې د اوربند له پیل وروسته د حزب الله او نورو غیر دولتي وسله والو ډلو د فعالیتونو د مخنیوي لپاره اغېزمن اقدامات وکړي.
    • دواړو لوریو "د لبنان د حکومت پر انحصاري مسوولیت چې د حاکمیت او ملي دفاع ساتنه وکړي" ټینګار کړی دی. اسرائیل او لبنان له متحده ایالاتو غوښتي، چې د دواړو هېوادونو ترمنځ د ټولو پاتې مسئلو د حل لپاره د نورو خبرو مشري وکړي.

17. ۲۷ وری ۱۴۰۵ - ۱۶ اپریل ۲۰۲۶د ایران بهرنیو چارو وزارت ویاند: د لبنان اوربند د هغه لومړنی توافق برخه ده، چې پاکستان کې پرې خبرې وشوې

    د ایران بهرنیو چارو وزارت ویاند اسماعیل بقايي وايي، په لبنان کې اوربند د هغه تفاهم یوه برخه ده، چې پاکستان کې د ایران او امریکا تر منځ لومړنیو خبرو کې پرې هوکړه شوې وه.

    نوموړی وايي، ایران له لومړي سره ټینګار کاوه، چې د لبنان په ګډون باید ټوله سیمه کې اوربند وشي.

    بقايي د لبنان له خلکو او حکومت سره د (همغږۍ) څرګندونه وکړه او د لبنان له سویلي سیمو یې د اسرائیلي ځواکونو وتلو پر موضوع ټینګار وکړ، داسې یوه موضوع چې اسرائیلي لومړي وزیر بنیامن نتنیاهو له مخکې رد کړې ده.

    نوموړي دغه راز د ټولو زندانیانو خوشي کېدو او بې کوره شویو کسانو خپلو مېنو ته د ستنېدو غوښتنه وکړه.

18. ۲۷ وری ۱۴۰۵ - ۱۶ اپریل ۲۰۲۶ټرمپ: ایران د خپلو بډایه شویو یورانیمو سپارلو توافق کړی

    

    د عکس سرچینه، Reuters

    د امریکا ولسمشر ډونلډ ټرمپ ادعا کړې چې ایران د امریکا له غوښتنې سره سم د اټومي وسلو نه ترلاسه کولو لپاره چمتوالی څرګند کړی او په وینا یې که په اسلام اباد کې کومه موافقه وشي، 'زه ښايي خپله لاړ شم.'

    د پنجشنبې پر ورځ سپینه ماڼۍ کې خبریالانو سره په مرکه کې ولسمشر ټرمپ وویل چې ایران د امریکا نږدې ټول شرطونه منلي دي.

    ولسمشر ټرمپ وايي، ایران "موافقه کړې" ده چې د غني شویو یورانیمو زېرمې وسپاري، او دواړه خواوې د شپږو اونیو جګړې د پای ته رسولو لپاره د سولې موافقې ته "نږدې" دي. هغه یو ځل بیا ګواښ کړی چې که کومه موافقه ونه شي، جګړه به بیا له سره پیل شي.

    هغه وايي، د جګړې پای ته رسولو لپاره د ایراني چارواکو سره راتلونکې غونډه "کېدای شي په روانه اونۍ کې وي" او ان وړاندیز یې وکړ چې ښايي د تړون لاسلیکولو کې ګډون وکړي.

    ښاغلي ټرمپ د پنجشنبې په ماښام سپینه ماڼۍ کې خبریالانو ته وویل: "دوی موافقه وکړه چې هغه څه وسپاري چې زه یې اټومي دوړې بولم."

    نوموړي د غني شویو یورانیمو زېرمو ته اشاره کوله چې امریکا وايي د اټومي وسلو جوړولو لپاره کارول کېدای شي.

    د یادونې ده، چې د ایران او امریکا ترمنځ د خبرو لومړی پړاو تېره اونۍ په اسلام اباد کې وشو.

    یوه خبریال د امریکا له ولسمشره وپوښتل چې ایا دی به له ایران سره د تړون د لاسلیک لپاره پاکستان ته لاړ شي او ټرمپ ځواب ورکړ: 'که دا تړون په اسلام اباد کې لاسلیک شي، زه ښايي لاړ شم.'

    ښاغلي ټرمپ زیاته کړه: ''د پاکستان فیلډ مارشال او لومړی وزیر ډېر ښه خلک دي، ښايي زه به هلته لاړ شم.''

    د ایران یا امریکا لخوا د دوهم پړاو خبرو لپاره کومه نېټه نه ده اعلان شوې، خو ولسمشر ټرمپ وايي، 'زه فکر کوم چې موږ له ایران سره د یوه جوړجاړي کولو ته ډېر نږدې یو.'

    هغه ادعا وکړه چې ایران د ۲۰ کلونو لپاره د اټومي وسلو نه ترلاسه کولو لپاره خپله لېوالتیا ښودلې ده:

    ''دا ښه ده، چې موږ له ایران سره یو تفاهم کوو او دا به یوه ښه جوړجاړی وي، له اټومي وسلو پرته. دوی به اټومي وسلې ونه لري. زه په صادقانه توګه په هیڅ ۲۰ کلن حد باور نه لرم.''

    د یادونې ده، چې ایران تر اوسه د امریکا د ولسمشر دې ادعاوو په تړاو څه نه دي ویلي.

19. ۲۷ وری ۱۴۰۵ - ۱۶ اپریل ۲۰۲۶ټرمپ: لبنان او اسرائیل په ۱۰ ورځني اوربند موافقه کړې

    

    د عکس سرچینه، Getty Images

    ولسمشر ټرمپ اعلان کړی چې لبنان او اسرائیلو په ۱۰ ورځني اوربند موافقه کړې ده.

    ټاکل شوې ده چې اوربند به نن شپه پیلېږي.

    په تولنیزشبکې یو پوسټ کې ده ویلي دي چې د لبنان ولسمشر جوزف عون او د اسرائیلو لومړي وزیر نتنیاهو سره غږېدلی دی.

    د ده په وینا کې د حزب الله یادونه نه ده شوې. حزب الله چې ایران یې ملاتړ کوي د دې او اسرائیلو ترمنځ ډزې تبادله کېږي. ده وویل د لبنان ولسمشر او د اسرائیلو لومړی وزیر نورو خبرو لپاره واشګټن ته دعوت کوي.

    ده وویل دواړه خواوې سوله غواړي او فکر کوي چې دا کار به ډېر زر وشي.

    د لبنان لومړي وزیر نواف سلام د دې موقت اوربند هرکلی کړی او ویلي یې دي د جګړې له لومړۍ ورځې لبنان د دې غوښتنه کوله.

20. ۲۷ وری ۱۴۰۵ - ۱۶ اپریل ۲۰۲۶وروستی,