सन् २०२० मा विश्वभरि खिचिएका केही चाखलाग्दा तस्बिर

विभिन्न समाचारसंस्थाले सन् २०२०मा विश्वभरि खिचेका केही उत्कृष्ट समाचारमूलक तस्बिरहरू यहाँ प्रस्तुत गरिएको छ।

तस्बिर स्रोत, Tracey Nearmy / Reuters

तस्बिरको क्याप्शन, अस्ट्रेलियामा लागेको डढेलोका कारण जलेको ब्रशटेल पसमको हत्केलाको उपचार गर्दै एक स्वयंसेवक। सन् २०१९ को जुलाईदेखि सन् २०२० को मार्चसम्म त्यहाँ झन्डै २ करोड ४० लाख हेक्टर क्षेत्रमा फैलिएको डढेलोले मानिसहरूले धेरै ठूलो हानि पुर्‍याएको थियो।

तस्बिर स्रोत, Brendan McDermid / Reuters

तस्बिरको क्याप्शन, बलात्कार र यौन उत्पीडनको आरोप लागेका हलीवुड निर्माता हार्वी वाइन्स्टीन ज्यानुअरीमा न्यूयोर्कको एउटा अदालतमा उपस्थित हुन जाँदै। प्रभावशाली हलीवुड व्यक्तित्व वाइन्स्टीनलाई २३ वर्षको जेल सजाय सुनाइएको थियो।

तस्बिर स्रोत, Yara Nardi / Reuters

तस्बिरको क्याप्शन, फेब्रुअरी महिनामा इटलीको माल्गा चपेलामा हिउँ जमेको एउटा झरना चढ्दै इटालियन अल्पाइन सर्भिसका सदस्यहरू।

तस्बिर स्रोत, China Daily via Reuters

तस्बिरको क्याप्शन, फेब्रुअरीमा चीनको वुहान सहरमा कोभिड-१९ का बिरामीहरूको सघन उपचार गरिँदै।

तस्बिर स्रोत, Stephanie Lecocq / EPA-EFE

तस्बिरको क्याप्शन, कोरोनाभाइरस महामारीकाबीच ब्रसल्समा बिरामीहरूको उपचारमा खटिएकी एक नर्स।

तस्बिर स्रोत, Willy Kurniawan / Reuters

तस्बिरको क्याप्शन, इन्डोनेशियाको जकार्तास्थित एउटा समाधिस्थलमा कोरोनाभाइरसका कारण मृत्यु भएका एक व्यक्तिको शव ल्याइँदै।

तस्बिर स्रोत, Al Bello / Getty Images

तस्बिरको क्याप्शन, कोभिड-१९ को त्रास भएकाले न्यूयोर्कमा बीचमा प्लास्टिकको पर्दा राखेर अङ्कमाल गर्दै आमा-छोरी।

तस्बिर स्रोत, Fredrik Lerneryd / Getty Images

तस्बिरको क्याप्शन, केन्याको एउटा गाउँमा गत मे महिनामा सलह भगाउँदै एक व्यक्ति।

तस्बिर स्रोत, Joe Raedle / Getty Images

तस्बिरको क्याप्शन, अमेरिकामा मे महिनामा प्रहरी नियन्त्रणमा मारिएका जर्ज फ्लोइडको भित्तेचित्रअगाडि झुक्दै एक व्यक्ति। एक श्वेत मूलका प्रहरीले फ्लोइडको घाँटीमा नौ मिनेटसम्म थिचे पछि उनको मृत्यु भएको थियो। त्यसपछि अमेरिकामा व्यापक विरोध प्रदर्शन भएको थियो।

तस्बिर स्रोत, Damir Sagolj / Getty Images

तस्बिरको क्याप्शन, बोस्निया-हर्सगोभिनामा पानीमा डाइभ हान्ने प्रतियोगिताका एक सहभागी।

तस्बिर स्रोत, Brandon Bell / Getty Images

तस्बिरको क्याप्शन, अमेरिकामा अर्का अश्वेत पुरुष जेकब ब्लेकको प्रहरीले हानेको गोली लागेर मृत्यु भएपछि अगस्ट महिनामा फेरि प्रदर्शन सुरु भएको थियो।

तस्बिर स्रोत, Mohamed Azakir / Reuters

तस्बिरको क्याप्शन, बेइरुतमा भएको शक्तिशाली विस्फोटनमा ध्वस्त भएको संरचनाको भग्नावशेष नजिकैबाट हिँड्दै एक सैन्य अधिकारी। बेइरुत बन्दरगाहामा सयौँ टन अमोनीअम नाइट्रेट विस्फोट हुँदा अगस्ट महिनाको पहिलो साता २०० जनाभन्दा धेरै मानिसको मृत्यु भएको थियो।

तस्बिर स्रोत, Vasily Fedosenko / Reuters

तस्बिरको क्याप्शन, बेलारुसमा भएको सरकारविरोधी प्रदर्शनबीच एक सुरक्षाकर्मीलाई अङ्कमाल गर्दै एक महिला। गत अगस्टमा भएको निर्वाचनमा धाँधली भएको भन्दै त्यहाँ व्यापक आन्दोलन भएको थियो।

तस्बिर स्रोत, Philip Pacheco / Getty Images

तस्बिरको क्याप्शन, सेप्टेम्बरमा भीषण आगलागीबाट उत्पन्न धूवाँले स्यान फ्रान्सिस्कोलाई छपक्कै छोप्दाको दृश्य।

तस्बिर स्रोत, Tom Brenner / Reuters

तस्बिरको क्याप्शन, राष्ट्रपतीय निर्वाचनअघि फ्लोरिडा राज्यमा आयोजित एउटा र्‍यालीमा सम्बोधन गर्दै अमेरिकी राष्ट्रपति डोनल्ड ट्रम्प। मतदानभन्दा करिब एक महिनाअघि ट्रम्पले आफू कोरोनाभाइरसबाट सङ्क्रमित भएको सार्वजनिक गरेका थिए।

तस्बिर स्रोत, Fayaz Aziz / Reuters

तस्बिरको क्याप्शन, पाकिस्तानको पेशावरमा विद्यालयहरू खुलेपछि कक्षामा प्रवेश गर्नुअघि शरीरको तापक्रम जाँचिँदै।

तस्बिर स्रोत, Byron Smith / Getty Images

तस्बिरको क्याप्शन, सेप्टेम्बरमा ग्रीसको एउटा टापुमा रहेको शरणार्थी शिविरमा भएको भीषण आगलागीका कारण हजारौँ मानिसहरू आश्रय स्थल नष्ट भएको थियो।

तस्बिर स्रोत, Kim Hong-Ji / Reuters

तस्बिरको क्याप्शन, अक्टोबरमा दक्षिण कोरियामा गुलाबी घाँसेचौरमा सेल्फी खिच्दै एक महिला।

तस्बिर स्रोत, Jim Bourg / Reuters

तस्बिरको क्याप्शन, सन् २०२० को राष्ट्रपतीय निर्वाचनमा आफू विजयी भएको सञ्चारमाध्यमहरूले घोषणा गरेपछि राष्ट्रपति निर्वाचित जो बाइडन।

तस्बिर स्रोत, Eva Plevier / Reuters

तस्बिरको क्याप्शन, नेदरल्यान्ड्समा दुर्घटनाग्रस्त एउटा मेट्रो रेल।

तस्बिर स्रोत, Eloisa Lopez / Reuters

तस्बिरको क्याप्शन, फिलिपिन्समा समुद्री आँधीका कारण बाढी आएपछि आफ्नो घर सफा गर्ने क्रममा एक व्यक्ति। समुद्री आँधी र बाढीका कारण दर्जनौँ मानिसहरूको मृत्यु भएको थियो।

तस्बिर स्रोत, Toya Sarno Jordan / Reuters

तस्बिरको क्याप्शन, लैङ्गिक हिंसाको विरोधमा मेक्सिको सिटीमा प्रहरीको हेल्मेटमा रङ्ग दलिदिँदै एक प्रदर्शनकारी।

तस्बिर स्रोत, Byron Smith / Getty Images

तस्बिरको क्याप्शन, इथियोपियाको टीग्रे क्षेत्रमा हिंसा फैलिएपछि देश छाडेर सुडान पुगेका शरणार्थीहरू। सङ्घ र प्रदेश सरकारबीचको शक्ति सङ्घर्षमा सयौँ मानिको ज्यान गएको छ। करिब ५० हजार सर्वसाधारणहरू भागेर सुडान पुगेको बताइएको छ।

तस्बिर स्रोत, Morgan Sette / AFP

तस्बिरको क्याप्शन, एउटा खोजी टोलीले अस्ट्रेलियाको मरुभूमिमा क्षुद्रग्रहबाट पहिलो पटक उल्लेखनीय मात्रामा चट्टानको नमुना ल्याएको अन्तरिक्षयानको टुक्रा भेट्टाएको थियो। ड्यूगु नामक क्षुद्रग्रहबाट सङ्कलन गरिएको चट्टानको नमुना बोकेको भाग दक्षिण अस्ट्रेलियामा खसेको थियो। उक्त नमुना जापानी अन्तरिक्षयान हायाबुसा-२ ले ड्यूगुबाट सङ्कलन गरेको थियो। सो यानले एक वर्ष सो क्षुद्रग्रहको अध्ययन गरेको थियो।

सबै तस्बिरको सर्वाधिकार माथि उल्लेख गरिएअनुसार सुरक्षित