तस्बिरः टर्की र सिरियामा विध्वंस भएका स्थानमा अझै आशाको त्यान्द्रो बाँकी

गत सोमवार टर्की, सिरिया र वरपरका क्षेत्रमा दुईवटा ठूला भूकम्प गए। ती भूकम्प र त्यसपछि निरन्तर आइरहेका परकम्पहरूको शृङ्खलाका कारण १५,००० भन्दा बढी मानिसले ज्यान गुमाएको पुष्टि भएको छ।

भूकम्पका कारण टर्कीको दक्षिणी भेग र उत्तरी सिरियामा व्यापक भौतिक क्षति पनि भएको छ।

ठूलो विध्वंस भएकाविभिन्न क्षेत्रमा उद्धारकार्य जारी नाटकीय तस्बिरहरू आइरहेका छन्। भूकम्पका कारण हजारौँ मानिसको ज्यान गएका छ भने ठूलो सङ्ख्यामा मानिसहरू अझै भग्नावशेषमा पुरिएको ठानिएको छ।

अनपेक्षित विपत्ति खेपेका स्थानहरूमा गरिएको उद्धारसँग सम्बन्धित केही तस्बिरहरू यहाँ प्रस्तुत गरिएको छ।