فرشته مرسل

له دې ځايه واورئ!

په دغو پيښو کې له لويانو سره ځيني ماشومان هم مړه شوي او ځينو نورو هم د بدن غړي له لاسه ورکړي چې يو لامل يې د کباړو د ټولولو په وخت له چاودنې سره مخ کېدل دی.

د ننګرهار ولايت اوسيدونکی ابراهيم وايي: "ماکباړ ټولول چې چاودنه وشوه او په پايله کې زما لاس غوڅ شو." د ا ټي سي د دفتر ريس کفايت الله ابلاغ وايي:

"په افغانستان کې ډيرې جګړې تيرې شوي نو ځکه تر اوسه ناچاوده شيان پاتي دي.

خلک وسپنې د خرڅولو لپاره ټولوي خو خبر نه وي چې په هغو کې ناچاوده شيان هم وي او په لاس وروړلو سره چوي."

	د چاوديدلو شيانو د وسپنوټولول خطرناکه پيښې رامنڅ ته کولي شي.

د مزارشريف د ښاراوسيدونکی نقيب الله وايي:

"زه د کباړو کار کوم، يوه ورځ مې په کباړ کې ناچاوده مرمۍ وليده، هغه مې تر خاورو لاندی کړه چې څوک يي ونه ويني"

کفايت الله ابلاغ وايي: "دا کار ډيرخطرناک دی، کيدلی شي په همدې وخت کې وچوي، نو پايله يې مالومه خبرده چې مرګ ژوبله به وي."

حشمت الله چې کباړاخلي او خرڅوي وايي: "زه دوه درې څله له ناچاوده شيانوسره مخ شوي يم.

ډير احتياط کوم کله چې وسپنې اخلم ښې يې ګورم او هروخت چې خطرناک شی ووينم د ماين پاکي کارکوونکي خبروم."

کفايت الله ابلاغ زياتوي: "دا د ماين پاکانو کار دی چې ماينونه او ناچاوده توکي له مينځه يوسي او بل څوک دا حق نه لري چې دغو خطرناکه شيانو ته لاس ور وړي."

	د ماين پاکانو کار دی چې ماينونه او ناچاوده توکي له مينځه يوسي.

دکابل ښار اوسيدونکي غلام حسن وايي:

"زه يواځي په ښار کې دننه زړې وسپنې، ټيمان، د پيپسي بوتلونه... اخلم او هيڅکله د چاوديدونکو شيانو کباړ نه ټولوم."

کفايت الله ابلاغ يو ځل بيا وايي چې د دا ډول وسپنو ټولول خطر نه لري. خو د چاوديدلو شيانو د وسپنوټولول خطرناکه پيښې رامنڅ ته کولي شي."