'Anyị ga-achọta nnwereonwe ndị Yoruba site n'ụzọ udo ebe enweghi onye ga-anwụ na ya bụ atụmatụ' - Sunday Igboho

Onye ndu otu Yoruba Nation ezipụtala ozi site n'aka ọkaiwu ya banyere

Ebe foto si, SAIF

Nkọwa foto, Sunday Adeniyi Adeyemo nke e ji Sunday Igboho mara onye ndu otu Yoruba Nation na-achọ nnwereonwe ndị Yoruba agwala ndị otu ya ndị nkwado ya ha nwere ike ịchọta ihe ha na-achọ site n’ụzọ udo nke ndị mmadụ agaghị anwụ n’ime ya. O kwuru nke a site n’akwụkwọ ozi ọkaiwu ya bụ Yomi Aliyu zipụtara n’ụbọchị Tọọzde.

Ebe foto si, MC Oluomo/Instagram

Nkọwa foto, Gọọmentị Legọs steetị amachiela ngalaba National Union of Road Transport Workers (NURTW) bụ ngalaba na-ahụ maka njem ụgbọala nke steeti ahụ ịrụ ọrụ nwa mgbe nta na gburu gburu steeti ahụ niile. Gbenga Omotoso bụ kọmịshọna mgbasaozi na steeti ahụ kwuru na ha mere nke maka ndọrọndọrọ ọchịchị na-adapụta ngalaba ahụ nke mere onyeisi oche ya na Legos bụ Mc Olumo jiri chielie aka n’ọchịchị n’ụbọchị Tọọzde.

Ebe foto si, FAAN

Nkọwa foto, Onyeisi oche Nigerian Civil Aviation Authority bụ ngalaba na-ahụ maka njem ụgbọelu na Naịjirịa bụ Muda Nuhu kwuru n’ụbọchị Tọọzde na atụmatụ ihibe ego njem ụgbọelu ka ọpekatampe ya bụrụ Naịra puku iri ise ga-akụsa ọrụ ndị njem ụgbọelu. O kwuru nke a n’ọgbakọ ya na osote onyeisi ụlọomeiwu bụ Ahmed Wase nwere n’Abuja maka ụkọ mmanụ ụgbọelu dị na mbuli ego njem ụgbọelu