Ku San Malamanku tare da Sheikh Shaya'u Yusha'u Ahmad

An haifi Sheikh Shaya'u Yusha'u Ahmad a ƙaramar hukumar Gashuwa ta jihar Yobe a arewa maso gabashin Najeriya, wanda ke zaune a garin Bauchi.

Ya fara karatun Ƙur'ani a gaban mahaifinsa a Gashuwa, inda daga baya ya koma wajen ɗan'uwan mahaifin nasa a Potiskum.

Ya yi karatu a kwalejin nazarin addinin Musulunci da ke garin Bauchi a shekarar 1999. Ya samu shiga jami'ar Musulunci ta Madina a shekarar 2000.

Shehin malamin ya samu ƙwarewa a fannin alƙalanci da kuma siyasar Musulunci a Madina.