BBC - Cymru'r Byd - Eisteddfod Genedlaethol Cymru 2004

Mae’r dudalen yma wedi cael ei harchifo ac nid yw’n cael ei diweddaru bellach. Mwy am dudalennau sydd wedi eu harchifo.

MAWRTH
18fed Tachwedd 2014
Hygyrchedd
Geiriau Yn Unig

	BBC Homepage

»	Cymru'r Byd Eisteddfod 2004 Mwy o'r Maes Newyddion Lluniau Cefndir Cysylltiadau Newyddion Chwaraeon Y Tywydd
	Ymateb Cymorth Wedi mwynhau'r ddalen hon? Anfonwch hyn at gyfaill!

Y Byd - cyn y creu - am ddim

Ned Thomas a dwy o'i gynorthwyr ym mhabell Y Byd

Mae'r copiau cyntaf o'r Byd - y papur dyddiol Cymraeg yn cael eu rhannu am ddim ar faes yr Eisteddfod.

Ond nid y papur yn go iawn yw hwn ond Y Byd cyn y creu fel petae - fersiwn 'hysbysebu' o'r papur yn rhoi hanes y fenter ac yn ei hyrwyddo.

Dywedodd Ned Thomas cadeirydd y cwmni sy'n gyfrifol am y fenter uchelgeisiol hon fod 100, 000 o rifynnau wedi eu cyhoeddi i gyd i'w rhannu am ddim.

Y mae yr un diwyg a'r papur arfaethedig.

O'r 100,000 bydd y fersiwn hyrwyddo tabloid, 24 tudalen, yn cael eu dosbarthu hefyd gyda rhifynnau o'r South Wales Argus, papur lleol ardal Casnewydd, a'r Tivyside Advertiser.

Ymhlith y rhai sy'n cefnogi'r fenter mae John Roberts Williams, cyn olygydd Y Cymro a Huw Edwards, a fydd yn sôn am y fenter mewn cyfarfod ym Mhabell y Cymdeithasau am bedwar o'r gloch pnawn Iau.