 |
|
Holi
awdur:
Cennard Davies
Awdur
llyfrau i ddysgwyr
|
•
Enw:
Cennard Davies
• Beth yw eich gwaith?
Newydd ymddeol o fod yn ddarllenydd ym Mhrifysgol Morgannwg
• Pa waith arall ydych chi wedi bod yn ei wneud?
Athro ysgol
• O ble'r ydych chian dod?
Treorci, Cwm Rhondda.
• Lle'r ydych chi'n byw yn awr?
Treorci
• Pa ddigwyddiad roddodd fwyaf o bleser ichi?
.Priodi a genedigaeth fy mhlant.
• Beth symbylodd eich llyfr diweddaraf?
Dwedwch ychydig amdano.
Cwestiwn gan fyfyriwr, se;f Pa ddiarhebion sy'n dal i gael eu defnyddio
ar lafar? Roeddwn i'n meddwl y byddai'n werth eu nodi, eu cynnwys
mewn sgwrs ynghyd â rhai dywediadau cyffredin eraill.
• Beth arall ydych chi wedi ei sgrifennu?
Nifer o lyfrau i ddysgwyr - Llafar a Llun; Y Geiriau Bach; Lluniau
Llafar; Torri'r Garw; Sefyllfa a Sgwrs; Dros y Bont; Y Gymraeg Ddoe
a Heddiw; Cyrsiau Cymraeg Catchphrase a Linguaphone.
• Pa un oedd eich hoff lyfr pan yn blentyn?
Y Cel Du ( addasiad o Black Beauty) a Tom Sawyer.
• A fyddwch yn edrych arno'n awr?
Na fyddaf.
• Pwy yw eich hoff awdur?
Yn newid o gyfnod i gyfnod.
• A oes unrhyw lyfr wedi gwneud argraff arbennig neu ddylanwadu
arnoch?
The Great Silence gan Sean de Tréine.
• Pwy yw eich hoff fardd?
Mae gen i nifer o ffefrynnau; Waldo, T H Parry-Williams, Gerallt Lloyd
Owen (Cymraeg); Garcia Lorca (Sbaeneg); Iain Crichton Smith (Gaeleg)
• Pa un yw eich hoff gerdd?
Mewn Dau Gae, Waldo.
• Pa un yw eich hoff linell o farddoniaeth?
Cyfaredd cof yw hiraeth
• Pa un yw eich hoff ffilm a rhaglen deledu?
Have I Got News For You
Dwi ddim yn ddyn ffilmiau
• Pwy yw eich hoff gymeriad a'ch cas gymeriad mewn llenyddiaeth?
Gormod i'w rhestru
• Pa ddywediad, dihareb, adnod neu gwpled sydd agosaf at y gwir?
Gorau Cymro, Cymro oddi cartref - o ddeall ei wir ystyr.
• Pa un yw eich hoff air?
Gwnaf
• Pa ddawn hoffech chi ei chael?
Canu offeryn cerdd yn dda.
• Pa dri gair sy'n eich disgrifio chi orau?
Rhaid ichi ofyn i'r teulu a ffrindiau!
• A oes rhywbeth yr ydych yn ei ddrwglecio amdanoch eich hunan?
Tuedd i adael pethau tan y funud olaf.
• Pa berson byw neu hanesyddol ydych chi¹n ei edmygu fwyaf a
pham?
Owain Glyn Dwr - gweledigaeth, dewrder, agwedd eangfrydig at ddysg
a pherthnasau rhyngwladol Cymru.
• Pa ddigwyddiad hanesyddol fyddech chi wedi hoffi bod yn rhan
ohono?
Cyfieithu'r Beibl i'r Gymraeg - tasai William Morgan wedi gofyn imi
gyfieithu ond un adnod!
• Pa berson hanesyddol hoffech chi ei gyfarfod a beth fyddech
chi yn ei ddweud neu yn ei ofyn?
Owain Glyn Dwr.
Beth ddigwyddodd i ti?
• Pa un yw eich hoff daith a pham?
Y daith adref dros fynydd Y Rhigos
• Disgrifiwch eich hoff bryd bwyd?
Cinio hamddenol mewn ty bwyta yn Ffrainc gyda physgod yn brif gwrs.
• Beth yw eich hoff weithgareddau amser hamdden?
Cerdded, Garddio, Darllen, Teithio.
• Pa un yw eich hoff liw?
Glas
Pa liw yw eich byd?
Gwyn.
• Pe gallech gyflwyno deddf newydd beth fyddai hi?
Heb ateb.
• A oes gennych lyfr arall ar y gweill?
Ddim ar y funud.
• Beth fyddai'r frawddeg agoriadol ddelfrydol i nofel neu waith
llenyddol arall?
Rwy'n dal i chwilio am un!
 Cryno-ddysg
y Cymry
|
|
|
Gair
am air
Siart
Cymru
Llyfrau
ar y We
Nôl
i'r archif
