|
|
|
Adnabod
Awdur:
Robyn Lewis
Y cyntaf i'w ethol yn archdderwydd Cymru yn rhinwedd y ffaith
mai prif lenor yw
Dydd Iau, Medi 6, 2001
|
• Enw:
Dr Robyn Lewis
• Beth yw eich gwaith?
Bargyfreithiwr a geiriadurwr
• Pa waith arall ydych chi wedi bod yn ei wneud?
Cyfreithiwr; dirprwy-Farnwr; cyfieithydd.
• 0 ble’r ydych chi’n dod?
Mwngrel o dras siroedd Ceredigion, Dinbych, Meirionnydd, Môn a Phenfro
(o, ie, Canada, hefyd).
• Lle’r ydych chi¹n byw yn awr?
Nefyn, Llyn, Gwynedd.
• Wnaethoch chi fwynhau eich addysg?
.Yma ac acw.
• Pa lyfrau ydych chi wedi eu sgrifennu?
Ugain o gyfrolau gan gynnwys pedwar geiriadur.
• Pa un oedd eich hoff lyfr pan yn blentyn?
Luned Bengoch gan Elizabeth Watkin-Jones.
• A fyddwch yn edrych arno’n awr?
Weithiau, yn anfynych.
• Pwy yw eich hoff awdur?
Islwyn Ffowc Elis
• A oes unrhyw lyfr wedi gwneud argraff arbennig neu ddylanwadu
arnoch?
Geiriadur Prifysgol Cymru, I hyd LVI a Geiriadur Briws.
• Pwy yw eich hoff fardd?
Dic yr Hendre a Gerallt Lloyd Owen.
• Pa un yw eich hoff gerdd?
Hon gan T. H. Parry-Williams
• Pa un yw eich hoff linell o farddoniaeth?
Ac anadl einioes y genedl yno o Ymadawiad Arthur
gan T. Gwynn Jones
• Pa un yw eich hoff ffilm a rhaglen deledu?
Dim un benodol ond at ei gilydd rhai o natur hanesyddol.
• Pwy yw eich hoff gymeriad a’ch cas gymeriad mewn llenyddiaeth?
Hoff: Wil Bryan.
Cas: Biggles a Richard Hannay.
• Pa ddywediad, dihareb, adnod neu gwpled sydd agosaf at y gwir?
Agosaf: Hyn hefyd a â heibio - Abraham Lincoln.
Pellaf: Nid wy’n gofyn bywyd moethus.
• Pa un yw eich hoff air?
Heddwch.
• Pa ddawn hoffech chi ei chael?
Cynganeddu fel Dic
Rygbïo fel Grav
Canu fel Bryn
• Pa dri gair sy’n eich disgrifio chi orau?
Brwynen, dal, denau.
• A oes rhywbeth yr ydych yn ei ddrwglecio amdanoch eich hunan?
Oes, llawer, ond nis dadlennaf ar goedd.
• Pa berson byw neu hanesyddol ydych chi¹n ei edmygu fwyaf a
pham?
Eamon de Valera, am iddo lunio Cyfansoddiad cyfrwys-gynnil i’w
wlad a hybodd yn anad unpeth arall chwalfa’r Ymherodraeth Brydeinig.
• Pa ddigwyddiad hanesyddol fyddech chi wedi hoffi
bod yn rhan ohono?
Sefydlu Gorsedd y Beirdd gan Iolo Morganwg ar Fryn y Briallu,
Llundain, 1792.
• Pa berson hanesyddol hoffech chi ei gyfarfod a beth fyddech
chi yn ei ddweud neu yn ei ofyn?
Y Brenin Arthur.
"Dwed wrth y Saeson, y Ffrancwyr a’r Galiaid mai Cymro wyt ti’n go
iawn ac mai’r Gymraeg yw dy iaith."
• Pa un yw eich hoff daith a pham?
Y filltir olaf tuag adref o bob man yr âf.
• Disgrifiwch eich hoff bryd bwyd?
Bacwn, wyau, selsyg a phwdin gwaed.
• Beth yw eich hoff weithgareddau amser hamdden?
.Bod yn Archdderwydd Cymru.
• Pa un yw eich hoff liw?
Amrywiaeth yr enfys.
• Pa liw yw eich byd?
Gwyrdd.
• Pe gallech gyflwyno deddf newydd beth fyddai hi?
Deddf Sefydlu Arlywydd cyntaf Gweriniaeth Sofran Cymru.
• A oes gennych lyfr arall ar y gweill?
Oes, dau.
• Beth fyddai’r paragraff agoriadol delfrydol i nofel neu waith
llenyddol arall?
"Paragraff"? Dim syniad.
Eithr brawddeg: "Wannwl. Pwy ddiawl fasa wedi meddwl?"
|
|
|
Gair
am air
Siart
Cymru
Llyfrau
ar y We
Nôl
i'r archif
